A hnubik Thantlang khuachungah thil a cangmi
A hnubik Thantlang khuachungah thil a cangmi
Thantlang Khuachung Ngaingai ah Minung 8 Lawng an Taang
Thantlang khuapi zaamtak loin khuachung ngaingai ah khuahngak in a ummi hi minung 8 lawng an taang, tiah Thantlang khualuh lai lamthlang ah ngakttah sianginn a tuahmi saya No Mang nih nihin zaanlei ah The Chin Journal ah a chim.
“Atu Thantlang khuachung ngaingai ah cun minung 8 lawng an um cang. Inn 2 in an um. Dawng hnih in minung 3 hi inn khat ah an i fonh. A dang dawng thum in minung 5 hi inn khat ah an i fonh ve i cuticun khua chuahtak loin an um hna,” tiah a chim.
Kawl media ngan cheukhat nih Thantlang khua an chuahtak dih cang tiah nihin chun ah an ttial nain Thantlang ralzaam tawlreltu bu in ttuanvo ngeitu, Thantlang peng sipin haotu Pu Ram Khar le saya No Mang nih cun “Thantlang khuapi chung ah a taangmi minung an um rih ko,” tiah an chim.
Khuachung ah minung 8 an taang i, khualeng deuh ah a ummi saya No Mang ngakttah sianginn ah minung 20 zong an taang rih.
Nihin zinglei sml. 10:30 hrawng ah Thantlang khuachung in meithal kah thawngpang minute 30 chung hrawng a thanmi zong saya No Mang te singinn in an theih.
Source: The Chin Journal