A Poi Tuk E: Khualtlawnnak Mawtaw Ai Let Sual I, Minung 6 An Thih Pin Ah Tamtuk An I Hliam

Tuchun October 5 zanlei suimilam 4 hrawng ahkhan Myawaddy – Kawkareih lampi ah Kawl Drama a piah tawntu pawl nih an i ciitmi Mawtaw cu a accident sual ruang ah Mawtaw chung i aa ciitmi dihlak chung in

Minung 6 an thi i, midang minung 20 hrawng zong hliamhma faak an tong tiah Theih a si.  Atu hliam a tuar mi hna hi siizung ah tuam hlawm cuahmah an si e tiah an thanh. Atu Accident an tonnak hmun hi

Aluancia caan ah KNU le Kawl ralkap karlak ah kahdohnak faak taktak a rak umnak hmun a si i, mi tampi nih zawh ding ah an tih ngainak hmun a si. Hi ka hmun hi Thailand le Myanmar an i ramri nak zong a si tiah theih a  si.

Khuapau Dohthlennak Ah Ai Telmi Sianginn Cachimtu Saya/mah Vialte Cu Mi Ralṭha An Si Tiin NUG Nih Upatnak A Pek HnaKhuapau dohthlennak ah aa tel i hranhram uknak dohnak ah ai telmi sianginn cachimtu saya/mah vialte cu zalonnak hmuhnak dingah a cawlcangmi mi ralṭha an si, tiin NUG fimcawnnak zung nih upat peknak cathanh an chuah.

Vawleicung Saya/mah Ni ah khuapau dohthlennak ah nunnak a pe mi, zohchia tuk in thah a tongmi siangngakchia hna zong zalonnak hmuh nakding caah a cawlcangmi mi ralṭha an si, tiin NUG fimcawnnak zung nih an langhter.

SAC nih sianginn cachimtu saya/mah le siangngakchia an thahmi hna hi 150 tluk an si i, a thong leng an tlaih hna rih hna, tiah NUG fimcawnnak zung nih an langhter.Crd: The Chin Post

 

 

Tuchun October 5 ah CDF Mara nih mah tihin cathanh an chuah ” October3 ahkhan MATC/MDF nih CDF Mara kan ralkap hna cu a thlithup in an rak kah doh mi hna cung ah CDF Mara nih a tang lei bantuk in cathanh kan chuah..

pakhatnak: 2022, october 3 ahkhan CDF Mara camp pi in Tatmaha 2, Tatzin 3 ah meithal keng lo in  mipi hnipuan sawhsawh in a hung kirmi  CDF Mara kan ralkap hna cu mATC/MDF nih a thli thup in kah an rak tong. Pahnihnak: MDF nih

A thlithup in kah doh a tingmi kanmah CDF Mara ralkap hna cu hriamnam an i ken lo caah i venghim kho loin, a hliam i khuai lo dingin hnu lei ah an pil kho. Pathumnak: 2021 March thla 25  ahkhan MDF/MATC nih hriam nei lo CDF Mara pakhat an rak thah cang, kan ralbawingan le a dang kan ralkap pahnih an rak hliamh hna. Atu hi le

CDF Mara cu timh ciammam tein a thli thup in kah doh an tong caah CDF Mara zong nih a herh ning in kan lehrulh hna lai tiah thawngpang kan in thanh hna. .

 

 

Mindat Khah-lah-yiah 274 Sakhan CDF-Mindat Nih An Luhhnawh

Mindat he meng thum hrawng aa hlatnak Matupi lampi cung ah a ummi SAC ralkap nih hriamngan he hrambunhnak khah-lah-yiah 274 sakhan cu nihin October 5 zinglei ah naih tein kan kah hna tiah CDF-Mindat in chimphuannak nawl ngeitu nih a chim.

“Tualchung mi hna an umnak khua hna ah hriamngan in a kap zungzaltu an si caah, kan kah ve hna” tiah chim phuannak nawlngeitu nih a chim.

Kahdohnak ah SAC ralkap leiin a thimi an tam kho, CDF-Mindat phu chungtel hliamhma tuarnak a umlo tiah chim phuannak nawl ngeitu nih cun a chim chap.

Kahdohnak a dih hnu ah tualchung mipi an umnak khua hna cu SAC ralkap nih hriamngan he voi 20 hrawng an kah , Mindat sianghleirun kalnak lam pawng inn pakhat cu SAC ralkap hriamngan kahnak in a rawk tiah an thanhmi ah cun an langhter.

SAC ralkap sakhan kahdohnak ruang ah a thimi le hlianhma tuarmi kong fiang in theih a si rihlo nain, kahdohnak ngol hnu chunhnu ah khah-lah-yiah 274 hmun chungah mizaw phortu motor cu rangngai in an lut, cun checkhlatnak fakngai in an tuah tiah theih a si.

Ref:DeltaNewsAgency