A Ralttha Taktak: Pu Ngun San Aung Nih CNA le CDFs Chin ralkap Hna Cu Mahti Bak Hin A Ti Hna

Pu Ngun San Aung cu Min Aung Hliang nih Chin state uktu ah a rak khinh hnu in Lam an zawh lio ah Chin mi no pawl nih mah ti hin an rak chimh ” Ka pa, Ralhrang khinhmi rian hi kan tuan piak hlah an rak ti.  na tuan ah cun a herh ning in tuanvo kan in laak lai an rak ti. Cu bu cun ai thawh le

Nan kan ral lai,  thah nan ka timh lai zong ka theih, cu vialte cung ah cun ready ka si tiah a rak leh hna a raltha taktak khi a si. Cucaah CNA ralbawi pakhat nih “Pu Ngun San Aung nih Chin miphun 250 renglo a kan thah cang. Chin miphun 1000 renglo thonginn ah a kan khumh, Chin miphun 1800 renglo inn a kan khanghpiak i,

Chinmi 120,000 renglo ralzam dirhmun a kan phanhtertu a si. Cucaah Pu Ngun San Aung hi kan ngaihthiam ko lai maw? thlachiat cu maw kan ruah ko lai. Pu Ngun San Aung a nun hi a phu maw tiah biahalnak a tuah cang. Credit: Salai Elishama.

Myanmar ralzam hna caah Mizoram cozah nih zulhphung 11 an ser than!!

Myanmar ram buainak ruangah ralhrial in Mizoram ah aa dormi Myanmar ralzaam hna nih zulh dingmi zulhphung 11 cu, (Deputy Commissioner) nih September 28 ah an chuah than tiah theih a si.

Cu zulhding mi zulhphung hna cu a tanglei bantukin an rak si lai;

1. Myanmar in ral a zaammi hna cu, khua le sang nih an sermi ralzaam Committee hna sinah theihternak nan tuah hmasa lai. Cu hnu ah, cu ralzaam hna an konglam cu, ralzaam Committee nih Deputy Commissioner Aizawl ah nan pek hnu ah, ralzaam sinak (ID) card kan tuah piak hna lai.
2. Aizawl pengkomh chung, (Relief Camp)ah a ummi ralzaam hna cu mizei an si zongah Deputy Commissioner theihpinak le hnatlakpinak a si lo ah Deputy Commissioner chungtel pakhat khat nih ralzaam sinak theihpinak a ngeih hmasa lai.
3. Cun, Myanmar ralzaam hna nih, phung nih a onh lomi chawlehnak a tuah lai lo. Mizoram ramkulh nih a ngeihmi zulhphung lonh in a thu dir lai lo. Cun cu zulhphung vialte cu a zulh dih fawn lai.
4. Myanmar ralzaam hna nih mah nawl tein, chawlehnak ah dawrkhan ti bantuk cawk ding a si lai lo. Cawk duh hmanh ah nawlngeitu hna sinah theihter hmasa ding.
5. Ralzaam camp ah a ummi Myanmar ralzaam hna nih hmundang thialkam a duh a si ahcun, ralzaam camp tuanvo ngeitu, a si lo ah, Committee sinah theihternak a tuah lai i cu hnu ah Aizawl Deputy Commissioner zung ah nih thialkam khawhnak (permit) kan pek lai.
6. Khualtlawm a duhmi hna nih Deputy Commissioner sin a si lo ah, ralzaam Committee sinah theihternak a tuah hnu ah, Movement Permit pek a si lai.
7. Myanmar ralzaam hna nih the Mizoram Land Revenue Act, 2013 ningin, a ho an si hmanh ah, vawlei, innhmun tibantuk cawk a ngah lai lo. Inn ngeitu hna zong nih nan zuarh hna lai lo.
8. Myanmar ralzaam mi hna chungah, cycle, motor aa kenmi nan um caah cu hna nih cun ralzaam Committee sinah theihternak nan tuah hrimhrim lai.
9. Phung ning tein Mizoram a phan i, motor, cycle khalh khawhnak (International Driving Permit) license ngeitu hna dah ti lo mizei hmanh nih zeibantuk hmanh khalhnak nawl nan ngei lai lo.
10. Myanmar ralzaam hna nih, phunglut lo, Aadhar Card/ Voters-ID/ Driving License ti bantuk nan tuah lai lo.
11. A cung lei zulhphung kan sermi vialte cu, Mizoram ramkulh ah a phanmi Myanmar ralzaam hna nih, zulh hrim hrim ding. Nan zulh lo a si ah cun phung ning tein dantat nan si lai. Crd: The Chin Post.