A Tam kho Taktak: Sailo Concert Ah US Dollars Tam Taktak A Hmuh

Kan Hnu zarh  Sept 4 ahkhan Mizo singer Sailo nih amah pumpak ca ding bak ah Indianapolis USA ah Concert a tuah i, hlawh tling taktak in Mizo concert um cangmi vialte lak ah phaisa lut tambik record break bak a tlinh.Hi zan khat lawng bak ah phaisa lut hi $125k (Rs. 10,000,000/nuaihza) nakin tlawm lo a si.  Atutan ahin Chin miphun tam taktak umnak ah concert hi a tuah caah Laimi nih an bawmh cio i mah zat a hmuh khawh hi a si.  Eihmuarnak le hlenthawinak um bak loin mah zat phaisa hmuh khawh hi cu ka lawmhpi taktak tiah Vanlalmuana nih a post.

Tuchun Timit le Hakha karlak i ah CDF Zophei le CDF Halkha nih ralhrang minung paruk cu an va don hna ti a si, Atu ralhrang minung 6 hna hi an hung zaam mi an si i, Timit lei Hakha lam in an rat ngam lo caah Zophei le Senthang ramri Lungkhar lei in an ra ti a si. CDF pakhat nih a chim ning ahcun kan i ap bak a that cu kan that sawh hlah uh zaam kan i timh peng caah meithal zun hnih lawng bak hi kan i ken khawh. hmun pakhat ah kan zaam hmasa i cu hnu ah nan sin kan ra than tik ah Hakha in kan chuah kaa te khan meithal tling ken in kan chuak kho lo tiah a kan ti tiah a chim.

Atu Timit le Hakha karak kahdohnak hi ni 30 renglo bak an i kahnak a si cang i, Ralhrang nih biatak in ralhmai an sial ti a si. Sihmanhsehlaw CNA telh in CDF LE CJDC ralkap hna i bawm in ralhrang cu an rak kah peng ve hna caah atutiang cu Ralhrang nih Timit hlei an la kho rih lo. Ralhrang zong minung 60 renglo cu an thi cang i, CDF lei in minung pakhat nih a nunnak a pek ve i, minung 2 an i hliam ve cang ti a si. Atutan ralhrang a hung zaammi hna hi Dalan hna an si sual hnga maw tiah Chin mipi lungawtawm in an um lio a si caah Chin ralkap nih zeitin an tawltel hna lai ti mi cu theih khawh a si rih lo.