A tha bak a biachimmi cu

Khua le ram chuahtak in Mizoram ah ralzaam vialte hna nan sining i hngalh uh.

Sining i hngalh hi fiim asi.

”Sining i hngalh hi fiim a si”

(Mizoram Ralzaam caah ka bia siaherh).

Mizoram khualipi Aizawl ahkhin H/S teacher le H/S a ngeitu dirhmun in kum 10 bakte ( one decade) ka rak um bal ve ( 1987-1997). Nifatin coat le necktie he limhaang ngei takin ca ka chim, hlawh a zatawk naktam ka ei. A rum hmanh ka rum pah manh cang.Zu hmanh ah Zu ṭhaṭha,man faakfaak ka rak ding kho peng.Kan nupa in Taxi le innhmun cawk hmanh kan rak i tim manh. Kan siangngakchia vialte pinah an nu le an pa vialte nih ṭihzah upat, hmaizahmi dirhmun ah rak um kha a rak nuamh ning.Inn kan hlan hmanh ah inn nganpi ( kanmah chungkhar milu zat naktam tlum) kan rak hlan,ziahtiah ramtang CNF/CNA ralkap khualtlawngmi hna caah hlaan chih a rak herh caah a si.

Cu dirhmun nuam cu 1997 July 7 ah kan chungkhar in kan kaltaak i New-Delhi, India ah RALZAAM ( Refugee) sinak kan rak i ham/thim.Ziahtiah MIZORAM ah kan him ti lo caah a si( Aruang hi chim ka duh ti lo nain, aruang cu a fawinakin Mizoram acozah le palik nih ramtang minung CNF/CNA a bawmtu ka simi an hngalh ruangah central jail ah thongthlaak kaa huah lengmang caah a si ).

Ralzaam dirhmun boruak kha i ziak colh a hau,khahlan Aizawl H/S a ngeitu, principal nun khan nun a ngah ti lo. Aizawl ah cun cu tin kha tin khua kan rak sa kho ti hmanh chim ngam a si lo.Chim sual citcet ahcun mi ”KUT C..” tuh ka tong colh lai ti ka hngalh.

Ralzaam dirhmun in Delhi ah kum 5 le thla 4 har ngai in kan rak um.

Inn khaan pa 1 ( one bedroom) um inn ah minung pa 10 hrawng kan um.Zelṭuang ah TADINCA phah in rawl kan ei hna, Cuka zawn lila ah cun zaan ah pher kan phah ṭhan hna i kan it lulh hna. Ṭhal, a linh tuk lio caan , electric mei a rawh zaan ah cun inn cung ( terrace) ah kan khiangthawng le pher cio he kai i ih a rak si. Wednesday bazar zaan ah KAWPI hnah an hlonh mi kha caw he kan rak i cuh tawn hna.

Zu hmanh a man a fawi bikmi PLASTIC Fuun, fuun khat=Rs.10 man dawp caan a tam.

NOTE: Atu Mizoram ah a rak zaam vemi hna nih..ralzaam nan si chungmi kha zing nan thawhka in zaan nan ih lai tiang philh lo le hngalh peng rak i zuam ve ulaw..HKA ah TT ah cuticun khua kan rak sa bal ve ko dahkaw timi ”LUNGPUAM, RUAMKAINAK” ngei hin lo in tangdor nun rak cawng colh u.BAWIPA nih TANGDOR NUN cawnter aan duh ve hna ca zongah Ram 2nk ah RALZAAM dirhmun aan temter chungmi hna zong a si kho ko.

** Tangdor nun nan thiam tuanh paoh ah kan ram ah nan kir tuanh nak a si khomi a si**

**Rili raal in Kan THLACAMNAK ah kan in philh bal hna lo **.

Credit: PPP, CANADA..