Atu lio Hakha Khualipi Tthial Timtu Tedim Pa Ralhrang Khinhmi Chin State CM Pu Vung Suan Thang Konglam

Kawl ralkap caan saupi rian a rak tuan i, ahnu ah Ralhrang siibawi tiang rian an khinhmi Zomi ttanh taktakmi le atu lio Chin state uktu ah Min Aung Hliang nih rian a khinhmi Pu Vung Suan Thang konglam cu anmah Zomi pawl nih ca an chuah ning te in kan van tial. Lt. Col. Vung Suan Thang cu Pu Kham Khan Pau le Pi On Khaw Ciin te fapa a si i, 1959,26, 4 ah Ngennung khua Tedim peng ah a chuak. Chuahpi unau 5 a neih hna.  pa 3 le nu 2 an si. 2001 kum ahkhan Pi Dim Khan Lun he Tedim khua Thang Za Kam Baptist Church ah i tthitumhnak an nei i, 1974 ahkhan Rev. Thang Za Tawng nih tipil a pek. Cun A sianginn kainak cu

Primary School cu HAKHA ah a kai, Cun Middle School zong Hakha ah a kai (1964-1973), Cun High School cu Tedim ah a kai. Cun Matric SHS mingalardon Yangon ah 4D in a awng, Amah hi Sii lei thiamsang a kaimi a si i, Singapore zong ah Sii lei a thiamnak in Singapore Colombo Training Award a hmumi a si. Diploma in Medical Education (2004), University of Medicine(1) Yangon tibantuk aha kai hna.

Tanghra a awn liote in Kawl ralkap ah a lut i, Sii lei rian sang an kaitermi a si caah hmunkip ah ralkap sibawi a tuan hnu ah a rank an kaih deuhdeuh i, 2013-2015 ahkhan Lt. Colonel rank an pek. Medical Science of Mingalardon (10) 2015 a laak hnu in Pensen a la i, 2015 election ahkhan Tedim peng ah USDP Party in thimnak ah a lut. Cun

Min Aung Hliang nih 2021 ah aanaa a ting hnu in 2022 ah Pu Vung Suan Thang cu SAC Chin state cozah riantuantu CM ah a khinh, Amah pumpak a theitu hna nih Zomi a ttanh taktakmi a si i, ZRA zong a ttanh taktakmi a si. Zomi paw nih Chin state CM zong kan tuan hrimhrim ding a si tiah 2015 thimnak lio mee a kawl lio ah a rak chim lengamng tiah an chim. Atu hi amah a tuan hnu in Hakha khualipi Cozah zung pawl cu Tedim peng le Kalaymyo ah tthial dingin bia a leng pah lengmang.