Bator Pawl nih Hakha ah Kum tling lo mi 2 tel in Minung 7 an tlaih hña (Poi Tawn Ko Ee)

Hakha ah kum tling lo mi 2 tel in minung 7 an tlaih hña: Chin ramkulh,Hakha Auto zung pawng ah kum -17 tang hngakchia minung 2 tel in minung 7 cu(May 28)ah rallokap nih an tlaih hña . February 1 thok in nihin ni tiang Hakha ah tlaihkhih a tong mi (70) an si cang. 29May,2021Source:Zalen.

Relchap: NUG le CNF kaphnih Lungtlin min thut nak an tuah.: NUG le CNF kar nawlngaih nak latu rallokap uk duhlo dohkalh nak ding le federal democracy karhlannak kaphnih kar lungtlinnak cu nihin (May 29) ah min an thut. Cu lungtlinnak ahcun NUG cozah le CNF kar ,pakhat le khat lungtlin pinak ,i upatnak in ralhrang uknak doh ding le federal democracy karhlanbak ah hmunkhat dir tiin , riantuan ti nak le zeidang a herh mi kong zong ah hmunkhat rian tuan ti ding.Kaphnih lungtlinnak cu (NUG) lei in kawlram vice president Dowalah Shilah le Union minister Man Win Khine Tan , Minister of foreign Affairs ,Secretary of defense (CNF) in Chairman Pu Zing Cung , vice chairman hna le chungtuan hna nih min thut nak an tuah . Source: The Chin Post, 29May,2021

Relchap: Sagiang ramthen KhinOo ah thawngpe tu le khuachung tuanvo la tu thah an tong: Sagiang ramthen KhinOo myo Hnawkung khua ah rallokap nih rian pek mi khua chung tuanvo la tu(ရွာတာဝန်ခံ) U Kyaw Sein Win le rallokap sin ah thawngpe tu U Awng Tin cu nam hliam nak in thah an tong tiah khua mi hña nih an chim. Cu hña pahnih cu nihin zing lei lam kam ah nam hliam nak hma he an nunnak a rak liam cang , (suimilam 10) hrawng ah rallokap le palik nih an ruak cu an lak. 

Cu hña pahnih cu rallokap nih phungning lo tiah thawng a thanh mi Mizzima, DVB thawng thlah nak PSI salawng hña a phongh ter tu, rallokap nih nawlngaih nak an lak mi kong ah, duh lo nak a langhter mi hña cung an thil tuah nak kong ah khuami hña an lungtling lo tiah min langhter lo mi khuachung mi pakhat nih a chim.

Private motor pahnih le hriam put in misawh thuam a hruk mi rallokap hña he USDP chungtel motor hña nih thah a tong mi chungkhar hña cu an kal pi hña tiah a hmu tu hña nih an chim. Cu buaibai nak ruang ah rallokap phu hña khuachung ah an ra than sual lai tiah thinphang in an um ko tiah khua mi nih an chim. KhinOo pengkulh Aipohgyi khua zong ah USDP biaruahtu pakhat cu ni zan (May 28) ah theih lo mi pahnih nih meithal in an kah ruang ah a nunnak a liam. Source: The Chin Post