BREAKING NEWS: CDF nih CDM a tuahmi pawl hnahnawh nak a petu Non-CDM Ralrian fak taktak in a pek hna

CDM a tuahmi pawl hnahnawh nak a petu Non-CDM (CDM a tuahlo tu pawl) nunnak caah zeihmanh AA MAH KHAN mi kan ngei lo tiah CDF nih ralrin nak a pek. Statement an chuahmi hi tha tein van rel. Ralhrang pawl le Non CDM pawl nih CDM atuahmi mipi pawl cu aphunphun tlerhkhawn nak an tuah hna. Cu bantuk in an tlerhkhawn hna caah CDF nih ralrin nak cathanh an chuah colh hi asi. CDM a tuahmi hna cu an ttuanmi zungrian ttuan tthan ding in auh, leiba cawh le rianthar soknak ah auh ti bantuk in an sawm len hna tiah theih asi.

CDM a tuahmi mipi cu bawmhchanh in CDM atuahlo mi pawl tucu mipi pawl he aa ralkahmi an si tiin cohlan an si lai. CDm a tuahtu mipi tlerhkhawn nak atuahtu Non-CDm pawl cu fak taktak in dantat an si fawnlai tiah CDF nih ralrin nak a pek. Cu bantuk thil dawhcah lo cu ralhrang le Non CDM nih CDM mipi cungah an tuah caah CDF nih ralrin nak fak ngai in a pek hi asi. CDM cungah an tuahmi rian auh tthan le leiba cawh bantuk a rianran nak in ngol hrimhrim ding zongin warning a pek chih fawn.

Cu bantuk nan tuahrih asi ahcun zungchung ah maw asilo ah le Non-CDM nunnak kar ah zeihmanh AA-MAH-KHAN khawhmi kan ngeilo tiin CDF nih cun fak taktak in ralrin nak apek. NOTE: A tangah kawlca in a um chih lai. A tawifian nak in kan lehmi asi.

Relchap: Sagaing ramthen Kawlin peng ah KIA le PDF fonh ralkap nih ralhrang umhmun an kah ralhrang a thimi an tam: Sagaing ramthen.Kawlin peng Titsaihkung um ralhrang rallokap umhmun cu KIA le PDF fonh ralkap nih nihin zinglei suimilam 10 ah an luhhnahw i tiah thawngtheih asi.Zanlei suimilam 4 tiang ah i kahnak voithum a chuak tiah theih asi.I kahnak ah KIA,PDF lei in hliammi an um lo nain ralhrang lei in hliammi le a thimi an tam tiah theih asi. Cu hlei ah Sagiang in Kachim ramkulh ah hriamnam thazaang tling in a rak phur mi mawtaw panga cu KIA Brigade 5 Batalian 5 phu le Kawlin mipi ralkap hna nih Kawlin panwgah an kah hna i mawtaw pathum khangh an si. Mawtaw cungah a ummi rallokap hliammi le a thimi an tam tiah theih asi.Ralhrang rallokap an fahtuk caah Kawlin khua chungah hriamhme he hriamngan he mipi inn le lo an kahnak ah hriamhme kuan nih nu pahnih a hliam hna.Zahan zaanah Kawlin peng Zuashi khua ah ralhrang sinah thawngpe tu mirawitu(Dalaan) min ngei pakhat thah asi. Source: The Chin Post.