Breaking News: CDF-Senthang Nih CDF- Hakha B-2(Senthang) Cu Mahti Bak Cathanh An Chuah Hnawh Hna

Thawngthanknak:

(1/2022)

21 September 2022

Chin ah Miphun (မျိုးနွယ်စု) pakhat a si ve mi Senthang Miphun cu kan pu pa hna thawng in rualrem tein mah tein khua a sa i lai a rel ti mi kan si. 1962 Ne Win nih a voikhat nak rampi uk nak hramhram a lak hnu ah Senthang ram cu Hakha peng ah hramhram in a fonh. 2008 rampi phunghrampi zong ah Senthang cu Hakha peng ah a fonh than. Sihmanhsehlaw 2021 SAC nih rampi uk nih cu hramhram in a lak than hnu ah 2008 phunhram pi cu Federal Democracy Charter or (NUCC/NUG) nih a hrawh citcek cang. Mipi hrambunh Federal Democracy uknak a cazoh ser ding timhlamh lio a si. Cucaah CDF-Senthang nih a tanglei bantuk in kan dirhmun kan lanhter.

1. Dothlennak a thawk ka April 4, 2021 ah Senthang cu CDF mi pakhat te thleih in donthlennak kan rak tuah. Sihmansehlaw, caan tlawmpal ah Khualipi hrambunh (မြို့နယ်) le Hmunhma hrambunh (မျိုးနွယ်စု) CDF tiah min a phunphun in a rak chuah. Curuang ah Senthang kan dirhmun kong ah lung i khah lo nak a chuak i thennak tiang a phan.
3. Senthang kan i then cu kan duh lo caah CDF-Senthang nih Funtomnak tuah than ding in kan sawm hna. Kan sawm hna bantuk in May 20, 2022 ah tonnak zong kan ngei. Funtomnak ah biafunnak kan tuah khawh lo caah tonthannak ngeih than ding tal in biafunnak tuah awk ah kan sawm hna. Sihmanhsehlaw, an mah lei a cheu khat duh lo ruang ah tonthannak bia funnak zong tuah khawh lo a si.

 

1. Caan a vun kal deuh tik ah Senthang cu Zatlang ah siseh, Khuachung ah siseh, Khrihfabu ah siseh, fimcawnnak ah siseh, Chungkhar tiang ah thennak a chauh cang. Cucaah Senthang khuabawi (21) le Khuakip upa he dihlak in (46) nih Senthang Funtomnak Bu cu dirh a si. Committee zong CDF-Senthang khua lei in (4) le CDF-Hakha, Battalion 2 (Senthang) khua in (5) in ser a si. Hi funtomnak riantuan lio ah kap hnih CDF nih sizungzii tuah rih lo ding in thawngthanhnak zong an tuah. Sihmanhsehlaw CDF-Hakha, Battalion 2 (Senthang) nih tuah mi August 26, 2022 meeting ah an hrawh. Pehzulh in an tuan ah cun action lak ding in biachahnak zong an tuah.
2. A cunglei (no.2) le (no.3) he pehtlai in CDF-Hakha Council hruainak in Battalion 2 (Senthang) nih Senthang funtomnak riantuan kho lo ding in biachahnak an tuah mi cung ah kan ngeih a chia ngai.
4. CDF-Senthang nih Senthang Funtomnak cu kan duh. Funtomnak caah a lam kip in riantuan ti zong kan duh. Chinland Charter/Constitution ser zong an timh cang caah ramkel (Uknak) lei hrimhrim ah cun Senthang kan i funtom a herh cang. Raldoh lawng sitiloin Chinland sersiamnak le i thithruainak ruah caan a phan cang caah kan Miphun kong ah kan dih lak tuanvo kan ngei cio.

 

1. Federal Democracy Charter ning in Senthang i thithruainak kong ah Senthang mipi nih khuakhan lairelnak nawl ngeih khawh lo ding in rian a tuan mi bu pohpoh cu CDF-Senthang nih kan doh zungzal lai.
2. Senthang Miphun funtomnak caah pumpek caan pek in rian a tuan mi pumpak in siseh, Buu in siseh a don khantu le hna hnawhnak a pe mi pohpoh cu CDF-Senthang nih a herh ning in tuanvo kan lak lai.

 

1. Senthang nih kan ngieh mi le kan nu hrin covo a si mi kan Ram, Miphun, Holh le Ca, Zatlang le Nunphung cu CDF-Senthang nih kan nunnak thap in kan kelven lai.
3. Hi dothlennak ah CDF-Senthang nih Khualipi hrambunh (မြို့နယ်) le Hmunhma hrambunh (မျိုးနွယ်စု) CDF vialte le CNF/A thleidannak ngei loin kan mah le kan sining cio tein dothlennak a dih tiang riantuan ti in Chin ah pakhat si kan duh.

Cucaah Ramchung Ramleng Senthang Miphun vialte lungkhat tein kan Miphun hmailei karhlannak ah fakpi khuaruah buin Chinland sernak ah Senthang kan Miphun min tein hmunkhat teah hmainawl ko hna uh sih.

Chinland Defense Force-Senthang