BREAKING NEWS: Hakha kahdohnak ah SAC Palik 4 thi, khuami 1 aa hliam

Hakha kahdohnak ah SAC Palik 4 thi, khuami 1 aa hliam

Hakha Dauchim Lamchak Kahdohnak ah SAC Palik 4 Thi, Khuami Pakhat Hliamh

Nihin zinglei ah Hakha, Rungtlang tang, Dauchim lamchak Khuangthlak Bo ah kahdohnak a chuak i SAC palik 4 an thi, tiah a fekmi thawngpang hram in kan theih.

Zinglei kahdohnak a chuah hnu ah Dawrhlun Khuat-thit ah SAC ralhrang nih minung tamnawn an tlaih hna i minung pakhat zong a ttawk ah meithal in an hliamh, tiah khuami nih an chim.

Sangmi pakhat nih, “Zaanlei ah khuami sawhsawh minung pakhat meithal in a ttawk ah an hliamh. Aho a si timi belte fiang in ka thei lo. Zaanlei sml. 3:00 hrawng khan innhmai in an kalpimi kan hmuh ko,” tiah a chim.

Dawrhlun Kuat-thit ah minung tam nawn an tlaih hna tiah sang chung mi nih an chim nain minung zeizah ngaingai tlaih an ton timi fiang in kan thei rih lo.

Nihin zinglei sml. 4:00 hrawng ah Cawbuk Checkpoint zong ah kahdohnak a um i SAC ralhrang 5 an thi, tiah CNA chimnak nawlngei Salai Htet Ni nih Mizzima ah a chim.

Source: The Chin Journal