Breaking News: Hakha Khualipi a ummi ca ah a biapi taktakmi theihternak (Nan Unau chim cio hna uh)

Atu lio ralhrang nih Laimi an kan tlaih lengmang caah i ralring tein khuasak a hau taktakmi a si. Hakha a ummi caah ralrin a herh taktakmi thil phunhnih kan vun thanh than. A pakhatnak ah Hakha khuachung na luh ding le khualak na chawhvah ding a si ahcun na phone chung ah ralhrang lei news siseh, mipi ralkap hmanthlak siseh na chia hrim lai lo, cun Ram hla video na chia hrimhrim lai lo. Lai hla in chuahmi Ram hla zong Kawl ralhrang nih

an huat tuk caah an tlaih lengmang hna. CucaahRam hla video na phone chung ah na chia hrimhrim lai lo. Cucu na himnak a si lai. Ram hla na ngaih ahcun download loin nan innchung te tu ah na ngaih hna lai. Cun a pahnihnak cu Atu ralhrang nih a thar in policy an vun chuahmi cu Saikel le Mawtaw pawl licence biatak tein kan check cang lai an ti. tuan deuh cu i tukkahnak a tam i,

licence check hmanh an rak i manh lo. Atu cu biatak in licence check an timh cang caah, na saikel na mawtaw ah licence na neih lo ahcun Hakha khuachung ah luh hrimhrim lo ding, Hakha um ciami na si ahcun khualak zalampi ah chuahvah lo ding a si lai. Culocun a sual tukmi Ralhrang nih an in tlaih sual lai. Mah kha Hakha ummi upa pakhat nih thil biapi tuk a vun thanhmi a si.

Atu hi Ralhrang nih mipi hna cu ei awk din awk an har tuk tiin thil zuarh hnawh lei in an kan leem lio a si caah i ralring taktak usih. Hmunkip ah dawr man deng tete in an tuah lai i, rak caw uh an in ti hna lai. Mipi leng nan chuah tik ah an in check fawn hna lai i, tlaihkhih din an in bawh hna lai caah acung lei kan vun langhtermi hna kha ttha tein nan i ven i, nan hrial thiam a herh tuk hringhran.

Zanniat, Hualngoram,Ngawn le Hlawnceutlang hna Innlo ralhrang nih tamlak an khangh piakmi hna nakin Falam palek kah piak ah nan lungfah le tuar deuhmi hi mangbangza taktak a si.Falam peng Zanniat,Hualngoram le Hlawnceutlang ah kahdohnak tuah pah lengmang a rak si i, ralhrang nih Innlo an khangh duah len nain Tutan Falam khua SAC sianginn kai hna kilhim Security lakpiak tu palek pawl CNA nih an va kah tluk in nan au bal lo.Hualngo,Zanniat le Hlawnceu tlang khuate Inn tamtuk ralhrang nih

an khanghnak in Falam khua SAC sianginn kai security lak piaktu palek kah an si cu a let tingkhat in nan lungfaak deuh.Cucaah Hualngo,Zanniat le Hlawnceutlang khaute hna dirhmun ruah tikah lung a nuam lo taktak.Zanniat,Hualngo le Halwnceutlang innlo ralhrang an duahmi nak in Falam khuachung ah zuatmi palek kah piak nan tuar deuh tihi Yangon ah Puaisa lulu tuahmi DL Seenling te pawl catial le

US le EU lei um ZH tlang upa hna kutzum in hmuh khawh a si.Mah kong hi ttial ka tim ti lo nain lih le hrokhrol i Falam mipi mitha lunghrawh le pialter tim cattial ka hmuh pah lengmang tikah a vuncuar langin ka vun hawh ta.Cun Thantlang khangh piak kan simi nan tahchunh atamguk pinah lungdiriam hna nan lo. Catialtu: Salai Williams Hlawnceu.

CNF/CNA nih a dirkamh bak mi CDF-Hualngoram nih CNA nih training a pekmi hna cung ah mahtihin thawngpang an thanh.CDF Hualngoram nih HRC, HP leh Mine Training hlawhtling taktak in kan lim khawh tiah an thanh. Hualngoram Chin Reserved(HCR) Training Batch-2 avoikhatnak cu thla hnih chung faak pi in kalpi a si i. Kan ralkap chung ah

Officer tha tak tak nih an tthithruai khawh i. ralkap tha leh huaisen Squad puitling taktak dirh colh a si. Hualngoram Police(HP) Training Batch-1 cu thlahnih chung tha taktakin cawnpiak a si. Cawnpiaktu hna hi CDM Police Sergeant le CDM Firing Dept. lutlai an si hna I, Hualngoram chungah mino minung (21) hna nih training an lim khawh.Mine Bomb Special Training timtuah a si i

Bomb lei thiamsang taktak a simi CNA nih a kan cawnpiak I, a cawngmi hna hi CDF Hualngoram pin ah Kalay-PDF, PDA-Tedim le CDF-Zangiatram chung zong in a hung tel I an hung cawng ve tiah an langhter. CNA le CDF Hualngoram an I pehtlai ning a fek tuk.Crd: CDF-Hualngoram.