Breaking News: Hakha Peng Khuate Pathum Ah Kawl Ralkap Camp Sak Dingin Pu Vung Suan Thang Nih Order A Chuah
Min Aung Hlaing nih, Chin ramkulh chief minister rian a pek tharmi Dr. Vung Suan Thang nih Hakha peng chung a him khawhnak ding ah SAC ralkap Sakhaan hmunthum ah sak chap dingin Min Aung Hlaing sinah ca a kuat tiah, theih a si.
Dr. Vung Suan Thang nih Ralkap sakhaan sak chap dingin a halmi hmunthum hna cu,” Hakha – Gangaw lam a him khawhnak ding ah Zokhua le Tinam khua hna ah SAC ralkap le Palik sakhaan sak chap ding, cun Hakha-Falam lam a him khawhnak ding ah Chunchung khua ah SAC ralkap le Palik sakhaan sak chap ding in a hal.
Chin ramkulh khuapi chung cozah ngeihmi inn hna le zung hna cu SAC ralkap le palik nih hmunhimnak tha tein an lak khawh, khuapi chung luhchuahnak paoh zongah humhimnak tha tein kan lak khawh, tiah Dr. Vung Suan Thang nih Min Aung Hlaing sin a cakuat mi ah cun a tel chih. Crd: The Chin Post.
October 04,2022; Chawleh rianṭuannak rianngeitu hna nih an pek awk a si mi ngunkhuai cu tling te pek ding in SAC tutlai Min Aung Hlaing nih October 3, Yangon i Chawlehnak rianngeitu pawl he ton biaruahnak ah a chim.
SAC lutlai nih ngunkhuai kong he pehtlai in Kawlram cu kan innpa ram hna he tah chun ah cun ngunkhuai pek ning zatuak a tlawm lei a sinak kong a chim. Cu pin ah rampi nih thanchonak caah a hmannak kong le a tam deuh in hal ton sual ah cun report peng ding tibantuk pawl a chim chap.
Culeng ah pekding ngunkhuai pawl cu a ra lai mi rampi thanchonak ding budget ah telh ding in a chim.
Chawlehthalnak rian hi rampi pakhat i a nunnak pakhat a si ca ah rampi chawlehnak a rawh a si ah cun rampi a rawh khawh lawng si lo in ramkhel lei fehfuan lonak zong a chuah khawh ca ah Chawlehnak rianngei tu hna nih biatak te in ṭanpi ding in forhfialnak a tuah.
Mipi pawl nih hramhram uknak la tu SAC sin ah ngunkhuai pek lo ding in dohthlennak an tuah bantuk in NUG zong nih online in ngunkhuai pek khawh ding cu September 20, 2021 ah phunghram a rak feh ter.
A tu zong ah NUG sin i ngunkhuai a petu an um nak kong le ngunkhuai in hmuhmi tangka hna zong NUG nih a thanh tawn.
Reference: The Irrawaddy – Burmese Edition
Indonesia Bawlung Puai i Mibu Buainak Ruang ah a Tlawmbik 129 an Thi i 200 Reng lo an i Khawng
A luancia October 1 ah khan Indonesia ram bawnglung puai ah Arema le Persebaya Sarabaya team cu an i tong. Inntek lei an sungh ca ah a sung mi team lei mibu bawlung ground chung ah an lut i buainak a chuak. Mibu țhen nak ding ca ah Palek pawl nih mitthlichuahnak bom an hman i mibu pawl kutka in chuah ding an i zuam cio hna i an i nam an i lamh hna caah a tlawm bik minung 129 an thi i minung 200 reng lo an i khawng tiah theih a si.
Hi kong he pehtlai in an ram i Nuhrin Covo lei bu nih cun zeiruang ah mitthlichuahnak bom hi an hman tiah biahalnak an tuah len.
Indonesia Cozah nih a thi mi chungkhar cu tangka bawmhnak a pek hna lai i hma a pu mi hna zong a lak tein a thlop hna lai tiah theih a si.