Breaking News: Hakha Ralhrang Nih Minung 12 An Tlaih Than Hna, Aho Te Dah An TlaihmI Hna Cu An Si??

Nizan October 5 ah khan Hakha khualipi a ummi Sizungpi ah Mizaw zoh dingin a kalmi hna le mizaw a zokhenhtu hna cheukhat cu Kawl ralkap hna nih an phone an chek piak hna i,

Minung 12 an tlaih hna tiah theih a si. Cu an tlaihmi hna cu tuchun tiang an thlah le thlah hna lo theih khawh a si rih lo.  Cu ruang ah Hakha um mi hna nih

Siizungpi lei kan kal tik le khualak nan vah tik ah nan phone chung ah thil nan chiahmi nan i ralrin bak a hau tiah theihternak an tuah. Kawl ralkap nih biatak tein phone an chek i, voikhat chek hmanh an i za lo i, voihnih le voithum an chek nolh tawn tiah theih a si.

Tedim Khua Hrambunh 269 Battalion Ralkap Nih Bomb An Phummi A Puah Ruangah Pa Pakhat A Nunnak A Liam, Nu Pakhat Hliamhma A Pu Chin ramkulh, Tedim khua um 269 Battalion ralkap nih bomb an phummi a puah caah pa pakhat cu, October 3 zaan sml 9:00 hrawng ah a nunnak a liam, nu pakhat zong hliamhma a pu, tiah theih a si.

“Zaan sml 9:45 tluk ah bomb a puak i pa pakhat cu a hmun ah a thi colh. Nu pakhat tu cu hliamhma a pu i Kalaymyo ralkap sii-inn ihkhun 100 umnak ah an kalpi. Pa pakhat a thimi ruak tu cu an vui cang,” tiah tualchung mi pakhat nih a chim.

A thimi pa cu Tedim khua Sakaw lam sang ummi San Chu rawl dawr ngeitu a vapa a si i, hliamhma pumi nu zong hi dawr ngeitu nu i a nau a si ve. Puahkehnak kong he pehtlaiin tualchung mi hna nih cun 269 Battalion ralkap nih an hmanhmi bomb a si lai, tiah an zumh.

Tualchung mi cheukhat nih a thimi pa hi SAC ralkap pension Captain pakhat a si, tiah an chim ko nain fiang tein hngalh a si lo: Crd: The Chin Post