Breaking News: Kawl Ralkap Tamtuk An Thihmi Kong Ah Min Aung Hliang Nih Hitin A Chim Cang

2022 Sept 11 Min Aung Hliang nih raltuknak ah kan ralkap an thih tamtuk mi hi cu ralhmai kalmi hruaitu hna an thiam lo le an sining a derthawm tuk ruang ah a si e tiah a chim  a peh chap mi hna cu 2022 January, February, March le April chungi i tukdohnak hna ah Kawl ralkap an thih tam tukmi hi, kan zoh ahcun PDF CDF Tlangcung hriamtlai an thazaang a tam tuk ruang ah maw, a siloah kanmah kan thazaang der ruang ah maw ti tuak ahcun kan mah thazaang der ruang a si tiah a chim. Cun a pakhatnak ah,

hmunhma chiahnak an i palh ruang ah apahnihnak ah hmai fong dingin timhmi a hmaan lo, a pathumnak ah cunglei ah lih in thawngpeng te hna an si, A palinak ahcun ralkap training tha tein kan cawnpiakmi hna an hman khawh lo ruang ah a si tiah General Min Aung Hliang nih a chim.

Mah nih va doh siseh, rak i kham siseh ralkap hmunhma chiahnak le tthen phawtnak ah ttha tein an tuah lo caah sunghnak tampi kan tinmi hi tuah ding ning in ralthatnak a um lo caah ttihnak he order an zul duh lo ti zong a chim rih. A chim rihmi cu kan ral hna i an hmunpi camp pawl kan kah lonak a ruang cu NCA minthut kan i tlaih ruang ah a si.kanmah ralkap sakhan an hung kan kah ahcun kan kah ve hna lai timi lawng biakhiahmi kan ngei, cun ramri kan i tthenmi hna an lonh mi hna cu kan kahdoh hna lai ti bantuk pawl a chim.

Atu ah Kawl ralkap le Tlangcungmi hriamtlai, PDF hna karlak ah kahdohnak a um fatin te Ralhrang an faak deuh peng caah Ralhrang nih Vanlawng lawng hi an i bochan cang tiah theih a si. credit: Mizzima News