BREAKING NEWS: Min Aung Hliang Kawlram a Phan Cang

Ralhrang Uktu Bawi Min Aung Hliang cu zarh khat leng Russia a tlawn hnu ah Kawlram a phan cang tiah rinhchanhmi news nih a langhter cang. A dik lai tiah zumh a si ko. Russia a tlawnnak ah hin  hriamnam sernak (arms factory ) hna a veh. Russia khual a tlawnnak ah hin Security Conference meeting a kai lawng siloin Russian ralbawi ngan pawl he itonnak an ngei.

Tutan Ralhrang bawizik Min Aung Hliang Russia tlawnnak ah hin Russia ram he hriamnam lei ah hnatlaknak an neih cu theih a si lo nain Ram pahnih pehtlaihnak belte thawnter dingin hnatlaknak cu Russian Security Council Secretary Nikolai Patrushev he an itonnak ah langhter a si.

 Kawlram hram hram uknak (coup) kong cu 9th Moscow Conference on International Security ah hal a si i a chimmi cu Tutan February 1 in Ralkap nih hram hram uknak an lakmi hi NLD cozah nih a hlawt cangmi  Democracy zaukphung nunter than ding a si tiah a chim diam. Tutan ah Russia a tlawnnak in Kawlram a phan cang tiah langhter a si hi a si.  Source: Mizzima News 

Relchap: Zualko: Rev. Za Nei Thang nih Tuzing ah Mual a Kan Liam Tak (RIP)

A poi tak tak. Kan pa pakhat a simi Rev. Za Nei Thang nih tuzing ah  mual a kan liamtak. Annih hi Kum 58 a si. Anih hi AGS, Presbyterian Church of Myanmar i a ummi a si. Tuzing June 29, nazi 8:45 ah mual a kan liamtak. A chuahnak khua hi  Khawthlir. Rian a tuannak  hi -Assembly Office Tahan a si.