BREAKING NEWS: Ralhrang Pawl Ke In An Kal Lioah Bomb An Puah Hnawh Hna, Tamlakte Hliam An Tuar I A Thimi Zong An Um Len

Breaking News: Hpakanh Ah Ralhrang Pawl Ke In An Kal Lioah Bomb An Puah Hnawh Hna, Tamlakte Hliam An Tuar I A Thimi Zong An Um Len: Kachin ramkulh Hpakanh peng ah July 7, tuzing nazi 7 am ah ke in a kalmi ralhrang hna cu Bomb an puah hnawh hna i tamlakte hliam an tuar, a thimi zong an um len tiah cu ka hrawng khuami nih an chim.

“Hpakanh peng Sai Taung khua pawngah ralhrang pawl ke in an ra. Culioah bomb an puah hnawh hna i hliam a tuarmi an tam ngai. Mizaw mawtaw pahnih in an dihlak an phurh hna. Atu hi Sai Taung biakinn ah ralhrang cheukhat an i dor ko. Hmailei an panh ngam ti lo. Tamakhan lei in an ra, nizan siseh tuzing siseh an cei ngai ko. A thimi zong an um len tiah kan theih” tiin khuami pakhat nih a chim. Source: The Chin Post.

Relchap: Falam Peng Khuate Ah Ralhrang Nih Khuami Tirawl Ah An Zun,An Ek,Datsi An Cawhpiak Hna: Falam peng,Wuaibulah khua pawng hrawng khua 7 ah ralhrang rallokap an lut i inn zuat satil arva an thah hna,danum chungah an ek an ek,facang ah an zun an zun datsi an toih tiah thawng theih asi. June 29 ah Falam le Vuaibulah karah ralhrang rallokap le CNDF i kahnak a chuak.

Hi kahnak a chuah hlan deuh ni zei maw ah ralhrang hna cu khuachung sianginn le biakinn ah umhmun an khuar cang. Khuami hna an kir tik ah,hmanawk an ngei hna lo a ruangah cu ralhrang nih an thil le ri an hrawh piak hna,fir awk tha rua cu an fir piak hna. Vuaibulah khua pawng hrawng in khuate 10 in mipi 2000 hrawng cu a himnak hmun ah an i dor hna. Source: The Chin Post