BREAKING NEWS: US a ummi caah Thawngpang tha (GOOD NEWS) Biden sin in

US President a tuan lio mi Biden nih Sianghngakcia/Student Loan i leiba a ngeimi pawl a ngaihthiam hna i an leiba tam ngai a thumhpiak hna. Joe Biden US President nih cun kum 1 chung ah income US $125,000 nak tlawm a hmumi hna cu Student loan $ 10,000 bak a ngaihthiam hna. US i a ummi nule pa caah thawngtha good news bak a si. 

Cun Pell Grants i bawmhnak a hmumi hna lebang cu $ 20,000 bak in a ngaithiam hna. An tuak ning ah US ram ah hin Student loan leiba tha thi in a pe kho lomi hi an tor. 43 million Americans hna nih an leiba vialte fonh in US dolloar 1.6 trillion bak a phan ti a si.

Biden nih hin American Student loan a cham dih rih lomi minung million pawl caah phurrit a zaan ter deuh tinak a si. Tuni US White House in Biden nih a chim ning ah mi harsa le middle class pawl caah thawhchuahnak Room tam deuh in tuahpiak lai tiah a chim. Source: BBC

Kalaymyo Ah PK(Traffic Police) Aung Myint Maung Thah A Tong!

Kalaymyo, Tazin sang ah ummi, pengkomh palik zung hmai ah nihin August 24 zing sml 7:00 hrawng ahkhan PK(traffic police) Aung Myint Maung cu meithal kahnak in thi, tiah theih a si.

Aung Myint Maung cu palik zung hmai lam or ah a ummi dawr ah changreu a caw i, a ṭin lei ah motor pakhat cung in meithal in an kah, tiah theih a si.Pengkomh zung pawng ah nizan August 23 in SAC ralkap, palik le PK i bawm in cycle number a ngei lomi hna cu dan an tat hna i, phaisa an liamter hna. Cuti dan an tat hna a thaizing ah PK Aung Myint Maung cu thah a ton caah palik le PK cawlcanghnak dokalhnak ah ruah khawh a si.Source: The Chin Post.