CDF Thantlang nih a Herh Tukmi Thawngthanhnak an Tuah Cang

CDF-Thantlang Area chung rithai sii phurhtlunh zuarnak kong ah thawngthanh.Hi ti hin statement an langhter. 

Mizoram Ah Tedim Peng Mi Pakhat Sin In Kyats Sing 1,000 Leng Man Bing An Tlaih!

India ram, Mizoram ramkulh, Champhai pengkomh India le Myanmar ramri motor lam ah Tedim peng, Laitui khuami Cing Lam Tuang, kum 20 cu nizan August 23 ah Kyats sing 1,000 leng man bing he Mizoram palik nih an tlaih, tiah theih a si.

Cing Lam Tuang cu bing gram 77 a ritmi Rupees sing 38 man, kyats sing 1,140 leng man he an tlaih. Foreigner Act le rithaisii case in Champhai khua ah taza an cuai, tiah theih a si.August 22 lio zong ah khan Mizoram ramkulh, Kolasib khua ah Myanmar rammi pahnih sinah bing Rupees sing 1,340 man cu Mizoram palik nih an rak tlaih cang.Source: The Chin Post.

Kalaymyo Ah PK(Traffic Police) Aung Myint Maung Thah A Tong!

Kalaymyo, Tazin sang ah ummi, pengkomh palik zung hmai ah nihin August 24 zing sml 7:00 hrawng ahkhan PK(traffic police) Aung Myint Maung cu meithal kahnak in thi, tiah theih a si.

Aung Myint Maung cu palik zung hmai lam or ah a ummi dawr ah changreu a caw i, a ṭin lei ah motor pakhat cung in meithal in an kah, tiah theih a si.Pengkomh zung pawng ah nizan August 23 in SAC ralkap, palik le PK i bawm in cycle number a ngei lomi hna cu dan an tat hna i, phaisa an liamter hna. Cuti dan an tat hna a thaizing ah PK Aung Myint Maung cu thah a ton caah palik le PK cawlcanghnak dokalhnak ah ruah khawh a si.Source: The Chin Post.