Chinese Foreign Minister Pa le Tuluk Thluak a Lang Than (Fih a Nung Tuk Luak Chuak a Si)

Tutan Kawlram buainak hi Tuluk pa thluak lawngte timi a van lang than cang. Zahan naite Tuluk China’s Foreign Minister Wang Yi  nih Ralhrang Wunna Maung Lwin sin ah fiang tak tak in a langhter. Zahan tihni ca cawn ni hnihni (tuesday) khan China’s Foreign Minister Wang Yi  nih cun Kawlram (Myanmar) ram chung buainak Tuluk he rianttuantinak a don lai lo.

Beijing cu Kawlram he rianttuan ti dingin ready kan si tiah a langhter. “ Tuluk nih cun Kawlram thanchonak ding caah thazaang a pek peng i ,a pek cuahmah i, hmailei zong ah a pek lai’ tiah fiang ko in a langhter. Tuluk/China’s Foreign Minister biachim hi Ralhrang nih Thla 4 leng Kawlram a buai hnu le Asean ram le Kawlram innpa hna nih Kawlram bawmhnak le rianttuantinak kong ah lungawttawm in an um lio te ah a van dirkamhmi a si.

US le EU ram pawl nih Ralkap zik lutlai pawl phihkharnak an tuah i Ramdang companies tampi zong Ralhrang cawlcanghnak ruangah Kawlram an chuahtak dih hna. Ralhrang nih Nuhrin covo buarnak kong ruang le thah nawnnak ruang ah Kawlram cu an chuahtak dih. Ramdang companies pawl chuahtakmi hi Tuluk (Chinese investors) pawl nih caan tha ah lak in hmunhma lak an i timh hi a si.

Kan hnu kum i Tuluk President Xi Jingping Kawlram a tlun lio kha NLD cozah tlaih lio a si i, sipuaizi lei rianttuannak tampi (Kyaukphyu Special Economic Zone, the New Yangon City development in Myanmar’s commercial capital, and economic zones in Shan and Kachin states near the Chinese border) hi vialte hi rianttuan dingin hnatlak minthut (signed) a si.

Asinain hi hnatlaknak project  vialte hi NLD cozah he pakhat hmanh kalpi a si lo. Asinain atu Kawlram a van buai le cangka in Ralhrang nih a biapi tak takmi  committee 3 a dirh colh. Hi Committees hna nih hin Beijing he rian ngan pipi tuan dingin an cawlcang cuahmah cang.

Biahalnak a um mi cu Tutan Kawlram buainak hi Tuluk nih a thlithup in a hramthok tein aa tel hrimhrim lai tihi a si. Cun Zahan tihni ah raltha tak tak in China’s Foreign Minister Wang Yi  nih cun Kawlram (Myanmar) ram chung buainak Tuluk he rianttuantinak a don lai lo. Beijing cu Kawlram he rianttuan ti dingin ready kan si tiah a langhter. “ Tuluk nih cun Kawlram thanchonak ding caah thazaang a pek peng i ,a pek cuahmah i, hmailei zong ah a pek lai’ tiah fiang ko in a langhter. Source: Source Thatein lak in lehmi a si.