CNDF Falam Hruaitu Peter Thang Nih A Ralkap Sualpalhnak Kong Ah Hitin A Chim

Sept 8 ahkhan Kalaymyo Tahan veng ah CNDF Falam chungtel cheukhat le PDF minung pathum nih Tahan B Group ummi misawhsawh pakhat cu an vuak tiah Tahan Khawpui group ah Mizo version timi nih a post cu kong he pehtlai in CNDF ralkap hotu Salai Peter Thang nih a tang lei bantuk in ngaihthiam halnak a tuah.

Tahan khuachung mipi buainak ah kan naule an rak tel ve caah mipi sin ah ngaih thiam kan hal hna tiah a bia hram a thawk i, Falam Laica in mah ti hin a tial ” Tahan B group ih thilcangmi ah 1. Civil mi buainak ah kan nau le an rak tel ngah ruangah mipi (Civil) pawl hnen ah ngaihdam kan lo dil. 2. Thilcang mi nau leh ih in sim ve dan ah cu khaw sung um an civilian rualpi 3, an mah kan nau le 2, kom 5 cu rualpi inn ihsin an ra tlung ah uico hmuan leng ih um 3 cun an rak bo hai, an lak ih civil (a hmin khal in sim ko) mi cu ui pawl nan kil thah lo len, ka lo thah sak ding a ti ih, a nei tu pa cun nan mah sawn ka lo thah ding ti ah (veng sung thil cang theu mi thu buai pangai a si) an kaam el aw kha, an kut tiang na thlak aw. Mipakhat in run tum maw then tum thei lo a ra lut ve tik ah kan naupa (commander an ti mi) cun a rak kham ve ruangah an mah sawn an buan awk lala. Thu buai thui duh lo ruangah ngaihthiam dilaw in an rak tlung sal.

3. An buai lai ah kan nau le 2 (out of 5) kha mipi ralkap ti khal an thei lo, on duty khal an si lo ruangah meithal zianghman khal an keng lo ih, mipi ralkap si thu khal an phuang aw lo. An buai hnu ih ra then tu lak ihsin mipi ralkap an si thu thei tu an um ruangah, revenge lak nak ah internet ih mualphohawk zawngih tarlang mi a si. 4. Mipi buainak ih an rak tel ve cu, kan nau le an mawh ih hremnak pek ding khal an si nan, mipi ralkap an sinak a sual zawng ih an hmanpi mi a si lo ti leh, mipi an hringhro mi a si lo ti kha in theih thiam sak kan lo ngen. 5. Mipi ralkap a tuantu kan nau le hi an fit tuk le an tha tuk ruangih mipi ralkap tuan an si lo ih, mipi pawl MAH ih ti duhdah tuk tuar lo ruangih volunteer pawl an si ruangah an famkim lo nak tampi a um ko ding.

6. Mipi ralkap ih lut tu kan nau le hi mipi ih te le fa an si ruangah mipi hrang ih zoh rem lo ih an nung cang a si ah cun in rak kawk sak ko uh. An duh lo len kan mah hotu pawl hnen khal ah direct in rak sim ko uh la mipi aiawh in nun kan sim aw vivo ko ding (a tha lam zawng in). 7. Cu ti lo ih mipi ralkap kan nau le ih ti sual tuah mi tete internet ih direct pholang ih mual phoh awk ring ring cun kan revolution zalam tluan a tluang thei lo ding. Salai Peter Thang