CNDF-Falam nih CNA chiatnak online ah an post len buin CNA Camp Victoria Bomb thlak kong cu mahtihin Statement an van chuah ve

CNDF Falam nih a tang lei bantuk in CNA camp hmunpi Bomb thlak kong cu ngaihchiatnak an van ilanghter ve. CNF Headquarters le Mindat Peng Vanlawng Kah Ton Kong ah CNO CNDF nih Ngaihchiatpinak an Langhter. January 24, SAC ralhrang nih CNF headquarters le Mindat peng chung ah vanlawng kahdohnak an tuahmi kong he pehtlai in CNO CNDF nih nihin January 24 ah ngaihchiat hrawmpinak cathanh an chuah.

SAC ralhrang kahdohnak ruang ah a nunnak a liammi pasal hna le nganfahnak le sunghzatlaknak a tongmi mipi vialte CNO CNDF nih kan in ngaihchiatpi hna, tiah an langhter.

Chinram le Myanmar ram hmun kip ah vanlawng kahdohnak a tuahtu SAC ralhrang ahram chah ding in a dang hriamtlai bu hna he kan ttang tti lai i pehzul in ral kan do lai, tiah cathanh ah an langhter. The Chin Journal

Minung pakhat Salai Siang Cung Luai timi nih CNA chiatnak lawngte a tial caah. Mah tang ahcun CNF hruaitu Pu Ralhnin Hlawnceu nih mahtihin comment a tial. Mah ca ttial tu pa hi ka zang a fak tuk. A ruang cu Mi kan huat hna ah hin a lung a fak ziar mi cu kan huat mi pa si lo in a hua tu pa hi a si tawn caah asi. A nai hrawng ah article tam nawn ah HK TT cung i huatnak le

lung fahnak ca par hi tam ngai ka rel ton.An chuan lam mia ruang vun zaoh ah le zei pipa khi a um lem lo in ka hmuh. CNA nih a nai Flm i ralhrang a kah mi zawng Flm a si caah si lo in Ral a si caah a kah mi a si ko na in Flm le HK ti phun hoih in ca par a chuak. A rel a nuam lo tak khi a si. Laikua a rak kah zawng FLm din ti laknak as caah a si lo. Kan ral a si caah

a kah mi asi. Kan ral cu a rem caannak hmun paoh ah kah ding asi. Ni hin lung rual kan herh caan ah Pengtlang kar ah hi bantuk ca par ttial leng mang zawng hi kan tuan bia caah a dawh lo tuk mi ruahnak le hmuhning a si caah ngawl deuh hna u sihlaw a ttha rua tiin ka ruah tiah a tialmi cu a si.

Atu lio ralhrang nih Laimi Hakha khua ah an kan tlaih lengmang caah i ralring tein khuasak a hau taktakmi a si. Hakha a ummi caah ralrin a herh taktakmi thil phunhnih kan vun thanh than. A pakhatnak ah Hakha khuachung na luh ding le khualak na chawhvah ding a si ahcun na phone chung ah ralhrang lei news siseh, mipi ralkap hmanthlak siseh na chia hrim lai lo, cun Ram hla video na chia hrimhrim lai lo. Lai hla in chuahmi Ram hla zong

Kawl ralhrang nih an huat tuk caah an tlaih lengmang hna. Cucaah Ram hla video na phone chung ah na chia hrimhrim lai lo. Cucu na himnak a si lai. Ram hla na ngaih ahcun download loin nan innchung te tu ah na ngaih hna lai. Cun a pahnihnak cu Atu ralhrang nih a thar in policy an vun chuahmi cu Saikel le Mawtaw pawl licence biatak tein

kan check cang lai an ti. tuan deuh cu i tukkahnak a tam i, licence check hmanh an rak i manh lo. Atu cu biatak in licence check an timh cang caah, na saikel na mawtaw ah licence na neih lo ahcun Hakha khuachung ah luh hrimhrim lo ding, Hakha um ciami na si ahcun khualak zalampi ah chuahvah lo ding a si lai. Culocun a sual tukmi Ralhrang nih an in tlaih sual lai. Mah kha Hakha ummi upa pakhat nih thil biapi tuk a vun thanhmi a si.

Atu hi Ralhrang nih mipi hna cu ei awk din awk an har tuk tiin thil zuarh hnawh lei in an kan leem lio a si caah i ralring taktak usih. Hmunkip ah dawr man deng tete in an tuah lai i, rak caw uh an in ti hna lai. Mipi leng nan chuah tik ah an in check fawn hna lai i, tlaihkhih din an in bawh hna lai caah acung lei kan vun langhtermi hna kha ttha tein nan i ven i, nan hrial thiam a herh tuk hringhran.