CNF/CNA Tu Hi Dollars Tampi Bawm Hna Usih: CNF Hi Chin Acozah Cu A Si

KAN THINLUNG AH UM SEH

_________________________

Miphun caah riantuan tu nule pa unau dihlak nandam cio hna maw? Chinland Club USA in nan kut kan tlaih hna. Miphun huap ningin raltuk lio asi kan dihlak lungrual te in hmailei ah tuan kan hau hna.. Chinmi chungin thazaang funtom a hauh lio asi teinak kan hmukhawh hlan lo tiang kutsih tuan ahau.. Kan thinglung kan ruahnak kan chawva hmunkhat fontom thiam aherh lio bak asi..

Chin miphun riantuan mi pohpoh kumkhat chungah kan ram hoih in $800 tluk thawh dingin tuanvo kan ngei hna.. Cu lio ah thawh duh lo phun cu asi kho loh..Khua, Pengtlang thawhmi chungin a herhnak pekhawh i zuam hna usih.. Kum 34 leng riantuan cangmi Chin National Front (CNF) cu zumh a hau..CNF cu International in riantuan kho mi an si..Atu lio Chin Cozah an mah an si ko…

Miphun huap in biachim lai poh ah khua fakdeuh ruah hnu ah chim atha.. Zeitik poh ah riantuan tu (MIHMASA) phih awk an tha loh……..Mivasoi hlah nangmah kha i ruatb hmasat……..

Kan ram kan mah nih kan ser a hau.

Upat hmaizah nak he!

Chinland Club Office

Indianapolis,IN

 

Vawlei cung ah minung tthanchonak a donkhan cem tu cu zei a si? ”

Minung kan tthanchonak ding a kan dokhan cem tu cu Negative attitude (chiat lei / thazang der lei ruahnak) a si .Hi ruahnak hi a bik in Lai mi nih kan ngei khun ti u sih law kan palh lem lai lo dah.

A mawh cu kan mawh loh cu teh..Aruang cu kan nih Laimi hi zei thil paoh ah tangdor lungthin kan ngeih ca ah maw a si hnga ? Thil ttha le thil lianngan paoh ah mi min bunh in, thil chia paoh ah mah min bunh kan rak hmang. Mah zong ah Negative attitude ( ruahnak chia) an si ko.

Lam kau deuh hmuh paoh ah Vailam, Vawlei cawhnak a lian deuh paoh Vai tuhmui.

Sipuaizi ( business) tuah kan van i timh le mihring chim lo u le nau hmanh nih, tha pek lo in , lungzornak maw, cu an chim lo hmanh ah, ttha tein ruat mu, na sung sual lai ti in.. negative lawng te an van chim tik ah , kan i chuahkeh pimi lung in kanmah le kanmah zong nih “ sung tak ning law “ ti in kan van ruat tthan.

Sipuaizi si seh ca cawnnak siseh, inn cawknak ah siseh, thil pakhat khat paoh cu kan rit ( risk) a hau ti hi kan hngalh a hau.

Tuzing ah Lainu pakhat nih U.S ram i Ar zuart a chiatnaknak a chimmi social media ah ka hmuh le ka lung a nuam lo ngai. Nan rak hmuh cio ko lai tiah ka zumh. Amah pumpak nih a ton mi a si caah , a mah kha a palh ka ti bak loh.( ngamh loh.) Si na in mah kha a tu kan chimmi Negative Attitude ti mi cu a si. Vawlei cung ah kan tuahmi paoh khuaawng tong hna u sih law , cu kan tuahmi a kan caw tu an um tung lai lo. Sifak kan um tung lai lo. Minung zakhat nih thil pakhat cung ah an zakhat ning in chawlehnak tuah tti hna seh law an zakhat ning in hlawh an tling lai tiah ho minung nih dah kan chim khawh ? .

Kum 1999-2003 ( hinak kum tuan zong a si kho)hrawng ah U Mawng Hlah timi ramkhel kong in thong a tla. Bia an hal. Zeitik ah dah Kawlram uknak ai thlen lai tiah dah na zumh ti in. A rak lehmi hna cu.. Tisa na so le din na duh lai ah na hrai chung ah na tlen. Na tlen hnu ah a daih na hngah. Cu na hngah caan cu minute 4-5 zong a si ko. Rampi pakhat ai thlennak ding hi tisa bantuk in minutes ( kum in tahchunh) 4-5 lawng maw a rau lai tiah nan ruah ? Tiah a rak leh hna.

Laimi nih U.S ram ah chawhleh ( business) pi kan tuah hi kan kut caang rel khim lawng a si rih ti u sih law kan palh lai loh.Atu tikhur cawh i, a tu zei tin hme ti fim cu kan din colh khawh hnga ? Ti fim caan kan hngah a hau.

Kawlram ca cawnnak tangthum / tangli cauk ah..Tarpa nih thingkung ( Hai kung)a Cin lio kha , Siangpahrang pa nih a hmuh .. ziah atu ah na cin, na thi deng cang ko, ei zong na ei manh ti tung lai loh.. tiah a ti. Tarpa nih.. a si , ka ei manh ti lai loh.. ka Cin hi ka caah a si loh, hmai lei ka fa le te caah a si tiah a leh. Mah kha mirang nih investment timi cu a si.

Timhmi

Mipi nih zei thil kan tuahnak paoh ah negative attitude ngei lo in positive attitude tu hi i tlaih hna u sih. Tha i pe hna u sih, kan pa, kan u le te zong nih mino thil an i timh mi cung ah tha Pe hna u sih. Timhmi cung ah tlenglak in kal hna u sih.

( A luancia kum 9 hrong ah Rev.Dr Hai Vung Lian nih US Thau Mipi le a bik in Mino he biaruahnak ah a rak chim mi a si ) .

Crd : Rev.Dr.Hai Vung Lian FB