CNF Training nak caah tiin Bawmhnak tampi pek a si.

CNF Training nak caah tiin Bawmhnak tampi pek a si.  Delhi online catialtu pawl hi uar an um kho tak tak. Miphun le ram caah nunnak pek in riantuantu CNF sin ah bawmhnak tam tak tak an pek. Tu hi CNF Training nak le a dang dang ah herhmi tampi a um.  Delhi online catialtu pawl  nih hin anmah lei minung tampi ifuntom in a dihlak ah Kawlram phaisa in 2,000,000 MMK bak an hlut.US Dollar cun 1433.66  hrawng chuak. Delhi Web catial tu paoh paoh nih cun an zapi tein an pek dih tiah theih a si.

(CNF lei nih lunglawm bia an chimnak) 

 Harsa ngai in ram 2 nak a ummi an si ko nain uar an um kho tak tak. Miphun an dawt ti a lang tak tak. Vawleicung ah ihlennak le diklo i riantuan a tampi lio ah thianghlim tein mah thazaang tein heh tiah  news a tialtu pawl hi nisawh le zomhtaih lei siloin a thatnak lei tu in chimh, icawnpiak le thazaang pek tu thiam hna u sih.Hi ti hin The Chin Journal zong nih a langhter:

 Delhi Online Catialtu pawl nih CNF/CDF ca ah Tangka Ting 20 Bawmhnak an Pek

 Delhi ah a ummi Lai website cattialtu phu DCM nih CNF le CDF rianttuannak ca ah tangka 2,000,000 MMK (Rs. 106,760) bawmhnak an pek hna.“Delhi online cattialtu bu (DCM) ah hin chungtel minung 40 kan um. Lai cattial ningcang le thawngpang ttial ningcang zong kan i remh khawh nakhnga Workshop tibantuk kan tuah tawn,” tiah DCM haotu pakhat nih a chim.

CNF/CDF ah DCM nih bawmhnak an pekmi kong ah CNF lei zong nih DCM sin ah lunglawmhnak ca an ttial. .Hmanthlak: CNF/CDF nih bawmhnak tangka an cohlan lio. Source: The Chin Journal,July 22, Yangon.

Miphun caah nunak pek in riantuantu CNF pawl traning tuahnak hmanthlak.