DW Pasalttha Hna nih DALAAN An KAHTHAT!

Mandalay Ramṭhen, Pyigyitakhun peng, Sah sang ah um mi mipi leirawitu pa pakhat cu tuzing January 24 zinglei ah mipi Dragon Warrior phu nih an kahthah, tiah theih a si. “Nihin January 24 zing suimilam 10:00 hrawng ah leirawitu cu cycle in market lei a rat lio ah, hmaitonh in a ra mi cycle khalhtu pakhat nih meithal in a kah. Anih hi leirawitu tiah a min a thang ngai mi a si i, tuzing ah an thah cang,” tiah khua mi pakhat nih cun a chim.

Cu leirawitupa min cu U Myo Thun Naing(kum 38), Pyigyitakhun peng, Sah sang ah a um mi a si. Nihin zing suimilam 10:00 hrawngah cycle in 126 lam cung a kal lio ah cycle aa citmi pa pahnih nih hmaitonh in, meithal in voihnih an kah i a thi colh, tiah palek sakhan pawngkam um mi pakhat nih a chim. Cu kong he pehtlai cun Mandalay ah hrambunh mi Dragon Warrior phu nih, “Leirawitu pakhat kan fimtawl,” tiah cathanh an chuah. A luancia zarh chung zong ah Mandalay Pyigyitakhun peng chung ah ralhrang nih an khinh mi sanguk bawi rian a ṭuantu le ralkap chuak leirawitu pakhat hna inn zong bomb in an puahhnawh, tiah theih a si.

Credit: The Chin Post!