Falam le Hakha ti in Catial a tamtuk caah CNF/CNA Hruaitu Pu Ralhnin Hlawnceu nih mahtin comment a pek ve cang

Minung pakhat Salai Siang Cung Luai timi nih CNA chiatnak lawngte a tial caah. Mah tang ahcun CNF hruaitu Pu Ralhnin Hlawnceu nih mahtihin comment a tial. Mah ca ttial tu pa hi ka zang a fak tuk. A ruang cu Mi kan huat hna ah hin a lung a fak ziar mi cu kan huat mi pa si lo in a hua tu pa hi a si tawn caah asi. A nai hrawng ah article tam nawn ah HK le TT cung i huatnak le lung fahnak capar hi

tam ngai ka rel tawn. An chuan lam mi a ruang vun zaoh ah le zei pipa khi a um lem lo in ka hmuh. CNA nih a nai Flm i ralhrang a kah mi zawng Flm a si caah si lo in Ral a si caah a kah mi a si ko na in Flm le HK ti phun hoih in ca par a chuak. A rel a nuam lo tak khi a si. Laikua a rak kah zawng FLm din ti laknak asi caah a si lo. Kan ral a si caah a kah mi asi. Kan ral cu

a rem caannak hmun paoh ah kah ding asi. Nihin lung rual kan herh caan ah Pengtlang kar ah hi bantuk ca par ttial leng mang zawng hi kan tuan bia caah a dawh lo tuk mi ruahnak le hmuhning a si caah ngawl deuh hna u sihlaw a ttha rua tiin ka ruah tiah a tialmi cu a si.

Yesagyo le Myaing ah SAC ralkap bomrap an puah hnawh hna i SAC ralkap 22 an thi. 2023 January 24 Magway ramṭhen, Yesagyo peng, Yesagyo khuachung palek sakhaan pawng, January 24 zinglei sml 4:00am hrawng ah cycle 3 in aa chawk mi SAC ralkap pawl cu Yesagyo PDF nih bom an puah hnawh hna i 2 an thi tiah theih a si. Cycle 3 in an i chawk ipakhat kan puah khawh, mipi hriamtlai pawl him tein kan kir kho tiah Yesagyo PDF rianngeitu nih Khit Thit ah a chim. Cubantuk in Myaing peng, Kaidawma palek sakhaan le Well 2 sakhaan karlak ah ke in eidin a phor mi SAC ralkap 50 hrawng cu PDF phu nih bom lung 15 in an puah hnawh hna i 20 hrawng an thi tiah theih a si. Bom lung 6 phir in

kan puah hnawh hna, SAC ralkap pawl nihbom puah hnawh lai an ṭih caah ramlak lei in an kal. Bom an kan puah hnawh lai ti an ruah lo caah a bu in an i pumh lio ah kan puah hnawh hna i 20 an thi lai  tiah Sacian PDF upa pakhat nih Khit Thit ah a chim. Bom puahnak cu Myaing PDF Company 1, Company 4, Storm phu le MUGDF fonh in an tuah mi a si.

Atu lio ralhrang nih Laimi an kan tlaih lengmang caah i ralring tein khuasak a hau taktakmi a si. Hakha a ummi caah ralrin a herh taktakmi thil phunhnih kan vun thanh than. A pakhatnak ah Hakha khuachung na luh ding le khualak na chawhvah ding a si ahcun na phone chung ah ralhrang lei news siseh, mipi ralkap hmanthlak siseh na chia hrim lai lo, cun Ram hla video na chia hrimhrim lai lo. Lai hla in chuahmi Ram hla zong Kawl ralhrang nih an huat tuk caah an tlaih lengmang hna. Cucaah Ram hla video na phone chung ah

na chia hrimhrim lai lo. Cucu na himnak a si lai. Ram hla na ngaih ahcun download loin nan innchung te tu ah na ngaih hna lai. Cun a pahnihnak cu Atu ralhrang nih a thar in policy an vun chuahmi cu Saikel le Mawtaw pawl licence biatak tein kan check cang lai an ti. tuan deuh cu i tukkahnak a tam i, licence check hmanh an rak i manh lo. Atu cu biatak in licence check an timh cang caah, na saikel na mawtaw ah licence na neih lo ahcun Hakha khuachung ah luh hrimhrim lo ding, Hakha um ciami na si ahcun

khualak zalampi ah chuahvah lo ding a si lai. Culocun a sual tukmi Ralhrang nih an in tlaih sual lai. Mah kha Hakha ummi upa pakhat nih thil biapi tuk a vun thanhmi a si. Atu hi Ralhrang nih mipi hna cu ei awk din awk an har tuk tiin thil zuarh hnawh lei in an kan leem lio a si caah i ralring taktak usih. Hmunkip ah dawr man deng tete in an tuah lai i, rak caw uh an in ti hna lai. Mipi leng nan chuah tik ah an in check fawn hna lai i, tlaihkhih din an in bawh hna lai caah acung lei kan vun langhtermi hna kha ttha tein nan i ven i, nan hrial thiam a herh tuk hringhran.