Falam lei in a rak i thawhmi Ralhrang Tank pahnih telh in motor 25 hrawng cu March 6 zaanlei ah Hakha khuachung ah an lut

Falam lei in a rak i thawhmi SAC ralhrang Tank pahnih telh in motor 25 hrawng cu March 6 zaanlei ah Hakha khuachung ah an lut.February 27 in Falam in an rak i thawh i CNA, CDF le CNDF nih pehzul in an kah hna caah lampi ah zarh khat an rau.

An ratnak lampi ah Dokthek khua inn 16 an khangh ta. Chuncung khua inn tampi an bauh i thilri an fir pin ah khuami Pu Rung Hu (48) zong meithal kuan 5 in an kah i an thah.Lamthluan thluang kahdohnak ah CNA ralkap 3 le CNDF ralkap pakhat nih an nunnak an pek. SAC ralhrang lei zong in a thimi an tam ngaingai lai, tiah an zumh. Source: The Chin Journal.

Falam Ah COVID-19 In Mi Pakhat A Nunnak A Liam.Nihin March 7, 2022 ah Balai veng um Pu Beduram @ Debi pa (kum 85) cu Falam siizung ah Covid zawtnak in a nunak a liam i Laampa thlanmual ah Khrihfabu țuanvo ngeitu pawl le Volunteer pawl nih an vuiliam, tiah theih a si. Falam peng chung ah Covid-19 Zawtnak in Minung 60 an nunnak a liam cang.