Falam Peng CDF Zanniatram Nih CNF/CNA Kong Ah Mahti Bak In Bia An Chim Cang .

CDF Zanniatram cu CNF Hmunpi Camp Victoria ah Sept 17 ahkhan tluang tein training an lim cang tiah an mah CDF Zanniat nih thanhnak an tuah. Cu ahcun CDF Zanniatram in an GS a simi J.Zarni nih “Chin miphun chung phun ttengnge tribe pawl le kanmah CDF Zanniatram pawl cu  hmun khat ah training kan lim, atu training ah kan cawnmi le kan thiammi theihhngalhnak hna cu kan Zanniatram caah kan hman lai. Cun Training hi ni 100 chung renglo kan tuah i,

mithmuh kuttongh in meithal kah cawn te hna, cun Ralkap upadi, ramkhel khuaruah ning, le a dangdang training caah hman awk a tha mi pawl hna hi kan cawn. Atutan a voikhat nak ah Zanniatram CDF in minung 30 training kan lim i, pehzulh in kan cawng chap lai. Cun CDF Zanniatram cu CNF LE CNA hruainak tang ah rian kan tuan lai tiah Mizzima ah a chim.

Chin phun ttengnge a simi Zanniat phun hna hi, FALAM peng chung ah hmunram kau bik a ngeimi an si i, cu kaa cun an um hna. Cu lanwg si loin KALAYMYO PENG Chaungkhuah khua, Siitha khua, Lay Ing suh Khua, Tayakung khua, Santha khua, Miang Sone khua, Ein Cin khung khua hna le Taungphila sang hna ah an um hna tiah theih a si.

CDF Zanniat ram cu biatak tein mipi hmai ah ral do dingin kan hung chuak cang lai, cucaah mipi nih chawva siseh, hriamnam cawknak ah ah siseh a dangdang ah thlacamnak he kan bawm hram uh tiah zaangfah nawlnak zong an thanh chih. Falam poeng ahhin CDF Zanniatram telh in CNDF-Falam le CDF Hualngoram tibantuk in hriamtlai pathum an um tiah theih a si i, Chinmi dihlak ralkap a simi CNA zong nih falam peng ah hmun a neih ve caah cu he fonh ah cun phun li an um tinak a si. Crd: Mizzima