Hakha Car-gate in Yangon lei a kal ding motor pawl caah CDF nih cathanh biapi tukmi an thanh

Hakha Car-gate in Yangon lei a kal ding motor pawl caah CDF nih cathanh biapi tukmi an thanh

Yangon Lei A Kalmi Car-gate Pawl Khualtlawng Phurh Lo Dingin CDF Nih An Ti Hna

Hakha car-gate in Yangon lei a kal ding Motor pawl cu November 25 in khualtlawng phurh lo dingin CDF nih an ti hna.

Mah ni in mah ni tiang khualtlawng minung nan phur lai lo timi cu rikhiah piak a um lo. A tluan cun a tluan ningin minung phurh ṭhan a si te lai tiin theih a si.

Kalay lei a kalmi Motor cu khualtlawng minung phurh a ngah ko tiin kan theih.

RelchaP:

Tutan Ralhrang pawl NUG le PDF kongah an cawlcanghning hi I ralring hna usih, an kan tlaih dih lai

Zung Riantuantu Cheukhat Hna Cu CDM Lemcang In NUG Le PDF Biathup Hlathlai Dingin An Fial Hna

Mon ramkulh ah ralhrangbu nih zung riantuantu cheukhat hna cu CDM lemcang in NUG le anmah he aa pehtlaimi bu hna i biathup hlathlai dingin a fial hna tiah theih a si. Hlathlai dingin an fial bikmi hna cu NUG le anmah he aa pehtlaimi a chung biathup, PDF hna umhmun khuarnak le tangka bawmtu hna kong tibantuk an si.

Cu rian tuan dingah ralhrangbu nih a zumh bikmi zung riantuantu cheukhat hna cu a dang tein a thim hna i CDM lemcang in NUG le PDF le pehtlaih an fial hna tiah theih a si.

Zung riantuantu pakhat nih cun “An zumh bikmi hna kha cunglei bawi nih an thim hna. Cu an thimmi hna cu CDM bantukin i umter i NUG le anmah he aa pehtlaimi siseh, PDF hna umnak le cawlcanghnak vialte, an biathup le timhtuahmi hna zong pehtlaihnak nan tuah hna lai i nan hlathlai lai tiah an fial hna” tiah a chim.

Cuti an thim i rian an khinhmi CDM lemcang hna cu an rian a hlawhtlin ahcun an rian kaiter an sin pinah tangka tampi laksawng ah pek nan si lai tiah ralhrangbu nih cun an kamh hna. An thimi hna hi zeizat dah an si ti theih a si lo. An thimmi hna cu ralhrangbu nih NUG he pehtlaih dingin an chimh cang hna tiah Than Lwin Times nih a tial.

Source: The Chin Post