Hakha kan Pale nih Mipi Theih dingmi a herh tukmi Thawngthanhnak an Van Tuah.

Hakha kan pale pawl nih thawngthanhnak a herh tak takmi an tuah. Hakha ummi kan si cun zulh khawh le ralrin khawh izuam cio  hna usih. Tulio hi Covid nih laitlang le kawlram an kan den cuahmah lio a si. Minung tampi nunnak a liam cang. Zawtnak hmuh tharmi nichiar an i chap rih. Cucaaah iralrinnak thawng an van thanh. Tha tein van rel.

Relchap:-India- Kawlram Ramri Khua Rihkhawdawr lei nih Ralrinpeknak an Thanh 

India ramri i a ummi Rihhawdar lei thawngpang thar. Rihkhawdar cu zarh 2 chung lockdown tuah ding a si tiah khua nawlneitu lei nih thawngthanhnak an tuah. Hi zarh 2 chung ah hin Rikhawdar khua le pawngkam ah umkal sian a si lo. Mawttaw siseh ke i a kalmi minung hrimhrim um kal an siang lo. A poi tak tak. Rihkhawdar hi India ramri i a ummi khua a si.

Tulio ralhrang pawl ruangah Mizoram lei a zaam mi zong an um pah tikah hi thil nih hin harsatnak pakhat cu a pek than lai tinak a si. A poi ngai ngai. Tulio hi Covid nih Kawlram a den cuahmah lio a si caah hi thil hi Ralhrang caah caan tha laknak zong ah tha ngaimi a si ve. Cun Covid hi tihnung ngai ngaimi le fawi tuk i nunnak liam khawhmi thil a si caah ralrin cu a herh bak fawn. Ralhrang le Covid nih hmunkhat ah an kan den hi cu a poi hringhran ko.