Hakha le Falam Kar i Ralhrang Thimi Zat CNF nih an van langhter cang ko hi ta

Hakha-Falam kar ah SAC Ralhrang 80 Leng an Thi.February 27 in March 7 karlak ah Hakha-Falam kar ah CNA, CDF, CNDF le SAC ralhrang karlak kahdohnak voi 18 a chuak i ralhrang 80 leng an thi, tiah CNF nih thawng a chuah.

Cu kahdohnak ah cun CNA in ralkap pathum le CNDF in ralkap pakhat nih ram le miphun ca ah an nunnak an pek.Cun, Rihkhawdar lei kahdohnak zong ah ralhrang 8 an thi i, miphun ralkap lei in hliampu/mithi an um lo, tiah an langhter.Kahdohnak ah hliamhma a pumi SAC ralhrang 18 zong Hakha sizung ah an um i, acheukhat an zualhma ngai, tiah thawngpang kan theih. Source:  The Chin Journal

CDF-Hakha nih “Salai Van Tha Simon” Upat Peknak le Ngaihchiatpinak Ca an Chuah.March 5 ah a nunnak a liammi CDF-Hakha ralkap “Salai Van Tha Simon” upat peknak le ngaihchiatpinak ca cu CDF-Hakha nih nihin March 8 ah an chuah.”Miphun ca ah a nunnak tiang a pekmi cung ah upatnak kan pek i, taantakmi chungkhar kan ngaihchiatpi hna,” tiah an langhter.

Kanpetlet Kahdohnak ah SAC Ralhrang Bawi Telh in Ralhrang 6 an Thi.Nihin March 7, zinglei sml. 7:00 le sml. 9:00 ah CDF-Kanpetlet le miphun ralkap pawl i bawm in Kanpetlet khua ah a rak rami SAC ralhrang pawl an kah hna i ralhrang Captain pakhat telh in 6 an thi, tiah tu zaan ah CDF-Kanpetlet nih thawngpang an chuah.Kanpetlet khua SAC ralhrang sakhaan in miakpi in kah an bawmh hna nain CDF lei in hliam a pumi/a thimi an um lo, tiah an langhter.