Thawngpangthar: Chin miphun ralkap CNF/CNA Nih SAC Ralhrang Hna Cu Mahti hin An Sawm Hna

Thawngpangthar: Chin ralkap CNF/CNA Nih SAC Ralhrang Hna Cu Mahti hin Sawmnak an tuahnak, An sawmnak hna a ruang cu kan langhter. CNF/CNA Spokesperson Salai Htet Ni nih SAC Ralhrang hna cu mahtihin sawmnak a tuah hna. A chimmi cu Ralkap timi cu mipi in dirh mi nan si I, Mipi nan dawt taktak a si ahcun Ralhrang kuttang ah riantuan lengmang ti loin Mipi sin ttangtti dingah

kan in sawm hna. Kan sin ah nan rat ahcun lunglawm tein kan in don hna lai tiah a chim. December 24 ahkhan Thantlang khuachung ah a ummi Ralhrang pahnih cu meithal he an zaam I, CNA sin ah meithal zun hnih he an rak lut. Chinram hmunkip ah december thla chung ah Ralhrang hna hi Mipi ralkap sin ah ap mi an um len I, a cheu cu meithal he a si I, a cheu cu kutlawng he an I ap.  A zaam mi lak ahhin

Meithal a vun I kenchih lomi cu LAKSAWNG PEK AN SI LO NAIN, a hung zaammi le mipi sin ai apmi poh cu anmah duhning bantukin an um duhnak ah kuat le chiah an si.Cucaah acunglei i kan langhter bantuk in Mipiralkap sin ah Kawl ralkap hna ttanttii dingin kan in sawm ve hna. Crd: Chin Connection.

relchap

SAC Nih Chin Ram Vanlawng Hmang In Bomb A Thlaknak Kong Ah CNO-falam Nih Cathanh Chuah. SAC ralkap nih 2023, kum hram thawk in Chin ramkulh chung ah thazaang a hleihluattuk hmang in ral tuknak vanlawng he voi tampi bomb thlaknak a tuah.2023, January 10 le 11 ah CNF/A headquarter Camp Victoria cu bomb a thlak caah CNA ralkap 5 an nunnak a liam, siizung, sichiahnak le

inn zong an rawk.2023, January 7,8,22 le January 23 ah Mindat peng khuate siizung, sianginn, ralhrial umnak sakhan le khuami hna umnak inn zong vanlawg in voi 8 tiang bomb a thlak caah sualnak ngeilo tualchung mi hna cu hliamhma tuar zong an um i inn le lo zong tampi a rawk.Hramhram in thilsual le kahdohnak an tuah ruang ah nunnak a liam mi hna le sunghnak fahnak a tuartu mipi nih

nan tuarmi cung ah CNO CNDF nih kan in tuarpi hna.SAC nawlngeihnak a hmunnak ding caah a tubantuk in Chin ramkulh telh in Myanmar ram hmunkip ah vanlawng in kahdohnak a tuahtu SAC ralkap cu CNO CNDF nih dohthlennak a tuahtu ralkap bu hna he ṭangṭi in SAC ralkap uknak an hram a cah tiang pehzulh in kan doh lai tiah Chin National Organization CNO nih cathanh an chuah.