I Lungsak A Har Ko: Siibawi Dr. Tluang Cung Thang A Ruak Check A Si Lomi Kong Ah A Lungfah Tuknak A Chimmi

Hakha peng Lamtuk khuami Siibawi Dr. Tluang Cung Thang cu  Falam khua Siizung ah kum 4 chung uktu Siibawi a ttuan cuahmah lio ah a ruak in laak a si i, nihin September 29 ahkhan Hakha khua ah a ruak an vui. Mi pakhat min langhter duh lomi nih a chim ning ahcun, Siibawipa hi amah tein ai thaat hrimhrim lai ti hi ak zum lo, Cucaah

A ruak hi, check hlat tuah kan duh tuk nain. Nan theih cio bantukin in Kawl ralkap uknak cu zei hmanh tuah khawh a si lo. Hri ai awk timi hi cu, mifdang nih that in hri awk pungsan in an chiah ta mi zong a si kho. Amah mi midang nunnak hmanh a chanh cuahmahmi Siibawi a si na lak ah, kan theihmi a si fawn, mi ttha, lungput dikhmaanmi a si ko caah amah tein ai that ti hi cu pom awk a har tuk. Zeica tiah

Ramdang zong ah hri in an hngawng an reh hna i an thahmi hna kha hri a mah tein ai awk tiah ruat hna seh tiin an ruak ah hri an chiah tawn. Cubantuk cun atutan zong hi ramdang ramttha bantukin a ruak chekhlatnak le a sining kherhhlainak um sehlaw kan duh tuk nain Ralhrang uknak cu zei hmanh hi tuah khawh si lo le ka lung faak tuk e tiah a si. Dr. Tluang Cung Thang Amah tein ai that ti hi cu ka ca ah zumh awk a har tuk e tiah a ti. (biachimtu pa hi ramchung ummi si caah Ralhrang tlaih lai phan ah a min kan langhter lo)

Kanpetlet nih SAC kuttang riantuantu hna cu ralrin an pek hna!!

2021 February 1, SAC nih hramhram uknak an lak ni thokin, Kanpetlet peng chung mipi hna nih SAC uknak cu kan cohlan khawh lo caah, belkheng tum in siseh, lamzawh in siseh, cozah riantuantu hna nih an rian kaltaakin CDM an tuahnak in siseh, mipi hna nih a phunphun in duhlonak kan langhter.

Cu duhlonak langhter in lam a zawhtu mipi hna cu hriamnam hmangin a kan thenthek dih caah, CDF-Kanpetlet nih hriam kan i tlaih i, SAC cu kan doh hna.

SAC nih hin an uknak a hmunh khawhnak ding caah, ramkhel, ukhruainak le thanchonak timi tlangtar bunh in Kanpetlet khuachung ah riantuan le cawlcangh an i zuam caah inn hra uk, inn za uk tiin khuabawi minung 19, meilei in minung 7, Red cross in 7, a dang minung 13 hna cu an riantuan dingin tuanvo an in pek hna pinah a herh ah cun hriamtlai ding tiang in tuanvo an in pek hna cu kan theih i, cu SAC rian a tuanmi minung zong fiang tein kan in theih cang hna.

Cu caah, CDF-Kanpetlet nih mipi caah nunnak a petu ralkap, tlaihkhih le thah a tongmi kan mipi hna caah, cu SAC he riantuantu nan dihlak a ra laimi October 15 tiang kan in hngah hna lai i cu chung ii CDM tuah duh loin pehtlaiin SAC kuttang riantuantu poh cu kan in hmuh hna nak poh ah a herh ningin hma kan in lak hna lai CDF-Kanpetlet nih nihin September 29 ah cathanh an chuah.