Kan Miphun Chung in Dalan an Um Ko Lai (Warning to Dalan)

Tuzing khan Kan pale pawl nih biaruahnak an nei than. Tulio Chin ram i ralhrang pawl dohnak ding caah kan pale pawl nih hin a lam kip in rian an tuan cuahmah a si. Biatak tein an kalpi cuamah lio. Ralhrang tampi hna cu Laitlang ah heh tiah an cawlcang. Cun khuaruahhar a si ngaimi cu Dalan ruangah Ralhrang hna nih information hi rang tak tak in an theih manh peng ti a si. Kan miphun lila ah hin dalan an um ko lai tihi zumhnak nganpi a um cang.

Kan miphun ralkap hna zong an nunnak pek bak in rian an tuan lio a si. Tu hi Ramchung le ram leng ah Dalan tampi an umti a si. Social media zong ah duh paoh in comment pe lo dingin ralrin pek an si. Dalan timi suallam cu miphun le ram caah dohkalh in rian a tuantu tinak a si. Cu bantuk minung hna cu a thli te i mi ngia tu bu nih kherhlainak an tuah cuahmah cang lai ti a si. Cucaah comment zong Dalan kan si locun comment pek zia kan thiam ngai ngai aherh. Tuzing Video Live biaruahnak van zoh ve. Dalan pawl ralrinnpeknak a si. Live video hi van zoh ve.

Video na zoh khawh lo cun link na zoh lai. https://www.facebook.com/100273352277710/videos/881226982743846/

Relchap: Lu Tlai Pariat le Chawlehnak Ngan Pathum EU Nih Phihkhar Chap: Nawl ngaihnak lak hlei ah lamzawhtu hna cu namneh nak tuah ruangah pehzulh in hruaitu pariat telh in rallokap he a pehtlai mi chawlehnak ngan pathum le riantlai tu hlun(The War Veterans Organization) cu phihkhar chap dingin cazin ah telh asi tiah EU nih tuzing ah a thanh.Mah hi ralhrang nih nawl ngeihnak alak hnu EU nih a voithumnak hremnak a pek asi.

Hi hremnak pekmi cazin chungah atel mi hna cu, Duh-Bochohkyi Sein Thwe, Duh-Bohmuchoh Tun Tun Naw, Ralhrang nih riankhinh mi vuanci asi mi U Wine Shin, U Khine Maung Ye, Bochohkyi Tin Aung San, Sih-ne-choh-Daw Ti Ta Oo, Bochoh-Aung Lin Tun, Bochoh-Zaw Min Tun hna hi an si. Hi hruaitu hna hi Democracy phunglam hrawh atim mi ram caah nuhrin covo fak taktak in a buarmi hna tuanvo ngeitu an si tiah an thanh.

Phihkar mi chungah telhchap mi rian pathum hi ralhrang nih a tlaihmi: (Myanma Gems Enterprise) (Myanma Timber Enterprise)

(Forest Products Joint Venture Corporation Limited ) hna an si.Hi rian hi ralhrang tangka luhnak asi lo ah cawlcannghnak ah a bawmchantu an si tiah an tial.Atu tiangah EU nih phihkhar hremnak pekmi hruaitu 43 an si cang,anmah nih an tlaihmi lamhmuh saknak cu an tlaih cang.Cu hlei ah EU chungtel ram hna nih chawlehnak ngan an phihkhar mi hna cu tangka an phihkhar hna asi.

Atu bantukin hremnak pekchap mi ah tuan bantukin EU nih phihkhar mi pehzulh mi asi,hi chungah ram namnehnak caah an hmanmi hriamnam le thilri,ralhrang le ramri hngak rallokap nih hmanmi thilri,ram namnehnak caah pehtlaihmi cu hngak in tlaihpiak le thilri dihlak cawk,zuarh hna cu phihkhar mi ah atel.Cu hlei ah Myanmar ralhrang le ral lei fohkomh mi rallei thiamnak cawnnak cu an ngol chap. Source: The Chin Post.