Kawl Ralkap Nih Chuah Taakmi Van Thio Inn (Thantlang Khua) Cu CNA/CDF- Thantlang Nih An Laak Khawh Tthan.

Thantlang Khua, Van Thio Inn Ah CNA/CDF-Thantlang Nih Hmunhma An Lak Khawh Than tiah theih a si. Cu kong he pehtlai in cun mahti hin an chim

Chin ramkulh Thantlang khua chung SAC ralkap nih an rak lak cangmi Van Thio inn ah CNA/CDF-Thantlang nih nihin zinglei suimilam 1 ah hmunhma an va laak khawh than tiah, theih a si.

Zinglei suimilam 1 ah kahding in an van kal tik ah cun SAC ralkap pakhat hmanh an rak um ti lo caah CNA/CDF-Thantlang nih hmunhma an lak than hi a si, theih a si. kawl ralkap pawl hi khoika dah an kal hnga a si lo ah, Kawl ralkap nih an hlennak hna maw a si asiloah

Thantlang Ralkap pawl hi Timit lei zong ah an kal kho men tiah ah an chim. Atu hi Timit Ralhrang hna cu Thantlang ah rat an duh nain  atu tiang Timit Hlei zawn ah an taap ko rih.

Myanmar Ralzaam Hna Caah Fund Kawlpiak Ding In Rebecca Fanai Mizoram A Phan

India ram, Mizoram ramkulh ah ummi Myanmar ralzaam hna bawmhchanhnak ding caah Charity Night Concert ah i tel dingin hlasakthiam Rebecca Fanai cu America in Mizoram ramkulh ah nihin October 11 ah a phan tiah theih a si.

Fund kawlnak puai tuahnak ah cun Guys from Chin, Rebecca Fanai, Sai Wannah, Henz, Aauk, Ting Lian, Salai Cung, OmOmi, Angaihteii hna nih hlasaknak an ngeih lai tiah theih a si.

Charity Night Concert cu a ra laimi October 31, zaan suimilam 7:00 ah Aizawl khua Vanapa Hall ah an tuah lai i, luhman cu rupee 500 a si lai tiah theih a si.

Fund kawlnak in hmuhmi phaisa cu ralzaam hna caah si-ai, eiding, thilri, ngakchia caah a herhmi le ngandamnak ca a herhmi bawmhchanhnak ah an hman lai tiah theih a si.

Concert a tlamtlinnak dingah Network for Myanmar IDPs, Aizawl, MZP (Mizo Zirlai Pawl), Adventist Hospital (Aizawl), CHO (Chin Health Organzation) le Chin Diaries nih an dirkamh ve hna lai tiah theih a si

Tatmah 66 In SAC Ralkap Pakhat Meithal He CDM A Tuah, Phaisa Sing 60 An Pek

SAC Ralkap tatmah 66 kuttang khah-mah-yah 4 in ralkap pakhat cu a meithal he Karenni hriamtlaiphu sin ah CDM a tuah tiah Karenni hriamtlaiphu nih cathanh an chuah.

Tatmah 66 kuttang khah-mah-yah 4 in ralkap Lwin Moe Thu cu MA meithal zuunkhat he Karenni hriamtlaiphu sin ah CDM a tuah caah Karenni hriamtlaiphu nih laksawng ah phaisa kyat sing 60 an pek tiah theih a si.