Kawl ralkap (Ralhrang pawl) hi PDF/CDF nih an tei dih hna lai ti hi an mah kawl ralkap lila nih an I fiang tuknak a lang
Kawl ralkap (Ralhrang pawl) hi PDF/CDF nih an tei dih hna lai tiah an mah kawl ralkap lila nih an I fiang tuk
US nih Vietnam ah ral an rak tei khawh lonak hi a ruang tampi a rak um i, cu lakah aa telmi cu:-
US Ralkap nih Vietnam fing le tlang an hngal lo. Khua caan an iziak lo. Vietnam Ralkap nih an hmanmi, “guerrilla tactics” raldoh ning hi training pakhat hmanh an rak ngei lo. Cun,
US Ralkap hi lahkhah ei/ pawcawmnak ah ral a tumi an si i, Vietnam cu anmah miphun le ram isehchihnak he ral an doh. Teimaknak le nunthapnak ah Vietnam nih an tei cia hna.
US Ralkap hi, US rammi nih an support hna lo. Vietnam ral dohlo ding in US Mipi nih sandah an piah hnawh fawn hna. Cucaah, vawlei cung ah hriamnam tthabik le a thawngbik an si ko nain, Mipi dirpi lomi, ralram ah a kalmi ralkap thinlung lei derthawmnak le Fing le tlang an hngalh thiam lo pinah an cawn lomi guerrilla tactics in Vietnam Ralkap nih an phawmh hna tikah, an thi thluahmah ko. Cucaah, ral zong an sung beh.
Tulio MAH ralhrang hi Vietnam ral lio US bantuk an si. Hriamnam tha an ngei ko nain Chin ram fing le tlang an hngal thiam lo. Khuacaan zong an iziak lai lo. MIPI dirpinak an ngei lo. Paw ca ral a tu sawhsawhmi an si. Emotional in an der cia. guerrilla tactics raldohnak in ivennak lei zong hi training an ngei lai ka zum lo.
Asinain PDF le CDF cu cause/ ram le Miphun dawtnak he an ngeihchunh an nunnak thap in ral a tumi Vietnam Ralkap bantuk an si. guerrilla tactics an hman. Thinlung le ruahnak in an thawng tuk. An hnu ah Mipi millions in an dir. Mipi support nak a sang tuk. Cucaah, tulio ral hi PDF/CDF nih an tei te ko lai.
Credit: Salai Zasang Cinzah