Lung A Faak Tuk: AA Nih Paletwa Cu Rakhine Ram Tiah Cathanh An Chuah

AA nih a hlan lio tein Paletwa cu kan ram a si tiah an rak chim lengmang cang bangin nihin sept 5 statement an vun chuahmi zong ah Rekhine Paletwa tiah an hman. Paletwa zong an tial zong ah Chin state timi hrimhrim an telh duh lo. AA nih Paletwa cu hramhram le thazaang hmang in an tlaihhrem i, Chinmi umnak khua poh Mizoram le Chaklei Laitlang ah zaam hna seh tiah ral hmun ah an ser i, rekhine miphun umnak poh cu an hrial deuh ti a si. Paletwa Chinmi hi duhsah tete in zor hna sehlaw kanmah tam deuh te sih ti mi an saduhthah cu a si.

Nihin chun Statement ah chuahmi ahcun atu lio Rekhine le Paletwa pentlang lawng si loin Myanmar rampi dihlak ah a lawn cuahmah mi raldohnak ah Ralhrang pawl an sungh tuk caan poh ah an tuah tawnmi cu Mipi nih ngeihmi thliri fir, mi sawhsawh a phunphun sual puh i tlaih, thah nawn, Khua le sang chung ah Innlo meiduah tibantuk an tuahmi  Ralhrang cawlcanghnak hi ramchung ah lenglang khun in hmuhmi an si.

Atu lio ralhrang hi sipuazi, chawva lei, thinlung lei, ral hriam lei, ramleng he pehtlaihnak tiang in a lamkip in a der thawm cuahmah lio a si caah mipi lei zong tuar in khawhnak le hi harnak pah chih khawh i zuam a hauh lio caan a si. Kawl ralkap cu zulh dingmi le tuah dingmi tu kha zul loin Mipi cu kan ral an si timi lungput he tuah ding mi kha tuah hlah uh timi lam lei ah tuan tu ai zuam cuahmah mi an si tiah AA nih cun a langhter.

AA hi hi raltuk a tthawng kan i lawm tuk nain, Statement a chuahmi bak ah Paletwa cu Chin state ti zong a chim duh ti lomi hi cu khengcung savo ti phun in Paletwa hi hramhram loin chuh a kan timh cang tinak a si. Miphun miphun thazaang nih zeitin a chei lai maw lung lawng a faak ko e.