Lungfaak Tuk Si E:Mizoram Nih Chinmi Cheukhat Dawr Tuah An Khap Hna

Mizoram Laimi Cheukhat hna nih an lungfaahnak cu hi ti hin an phuan ruangmang. Kan ram uknak chiat ruang ah um awk a tha ti lo i, thih ttih ah kan him deuh hnga maw tiah Mizoram ah kan hung um riantuan awk le  ahar tik ah dawr te kan tuah ve hnga maw tiah tuah kan tim nain, Aizawl ah dawr kan vun hun ve nain Mizo Hruaitu hna nih dawr khar dih uh ralzam nih dawr tuah a ngah lo an kan ti le kan dawr thil vialte cu ramri lei ah kan chungle kan kuat than dih hna, a poi taktak khi cu ei din dawr te hmanh tuah an kan sianh lo hi cu lungfaak tuk si e tiah a lungfahnak Pi Thlia Te nih a chim.

Cu lawng si loin Serchip khua zong ah YMA nih ralzaam pohpoh bia ruahnak an kan neih le dawr tuah a ngah lai lo cun riit hai sii nan kut cung kan hmuh cicet ahcun kan in thah hna lai an kan ti. Zeidang an chim duhmi cu a tha tuk ko nain kan in thah hna lai ti te hna an kan ti kan in tthawl dih hna lai ti tehna an kan ti tik ah kan him lo tuk kan ti i thinphang tuk in mi ramdang hna kan um kan ram le kir awk a tha fawn lo tiah ralzam pakhat min langhter duh lo nih a chim ve.

Tuan deuh lio online zong ah Mizoram ramri Farkawn khua ah YMA le Ralzam nu pakhat cu an buai tuk caah Farkawn khua in hmundang ah ralzam nu chungkhar cu an dihlak in an i thial tiah theih a si. Cozah nih nih canphio an bawmhmi hna cu thir nan khenh lai lo, ih phah zong kan in hlanh mi hna nan kan pek than lai. Cun nan um ning a tthat lo ahcun a hlan ah Farkawn nih Hakha pa Duh Cung kan rak thah bantukin kan in thah sual lai ti tiang an kan ti caah ka celh ve lo i ka leh ve hna tiah nu pakhat nih cun a chim.