MDF (Mara) le AA (Rekhine) Hi Pehtlaihnak An Nei Mawi!

MDF (Maraland Defence Force) le AA pawl cu pehtlaihnak an nei ko tiah an zumh hna. Aruang cu Training zong AA sin ah an kai i, AA nih MDF pawl cu hriannam zong an zuarh hna tiah theih a si. Cucu anmah chung a ummi chung nih an chim. MDF le AA pehtlaihnak hi cung lei tiang cu a thuk tuk si na loin AA ralbawi cheukhat le MDF upa pawl tu hi cu an i pehtlaihnak a fek ngaingai ko ti hi min langhter a duh lomi Saiha ummi pa nih a chim.

A luancia zarh ahkhan MDF hruaitu pawl le AA ralbawi pawl Paletwa peng hmun pakhat ah an i tong timi cu Chinmi tampi nih an chim atu lawng an i ton si lo in voi tampi tonnak an rak ngei cang tiah an chim. atu an ceihmi hi Paletwa ram cu cheu hnih ah cheu an duh ruang ah a si men lai zumh a si. MDF nih cun Mara khuate umnak poh kha ka ram a ti le AA nih cun rekhine umnak khuate le ramri pohpoh kha amah uknak tang ah chiah a duh ve ti a si. cu lawng si loin AA nih hin Paletwa ram hi laak a duh caah MDF hmang in Chin miphun dohkalh a timh timi zumh ngai cio a si.

.

MDF cu Mara mitlawmte nih rak dirh mi a si i, Kawl ralkap zong atu tiang a doh rih lomi an si. Ralkap ruahnak pektu Ngun Cung Lian he pehtlaihnak an nei tiah an chim. CDF Mara minung pakhat zong an rak thah bal i, MDF hi Mizoram chung um Saiha ummi cheukhat Mara nih an hnu lei in forhfialmi le ttanh mi an si tiah an chim.MDF cu Mara mitlawmte nih rak dirh mi a si i, Kawl ralkap zong atu tiang a doh rih lomi an si. Ralkap ruahnak pektu Ngun Cung Lian he pehtlaihnak an nei tiah an chim. CDF Mara minung pakhat zong an rak thah bal i, MDF hi Mizoram chung um Saiha ummi cheukhat Mara nih an hnu lei in forhfialmi le ttanh mi an si tiah an chim.