Min Aung Hliang Cozah Nih Lothlo Pawl Cung Ah Thilttha Tuk Pakhat Tuahpiak A Timh Hna

23 september 2022: Mandalay ramthen chungum, Min Aung Hliang cozah kuttang Kawlram leithuan thanchonak Bank nih a ra lai dingmi October  thla ahkhin khuasik thla cin awk thlaici ca ding ah lothlo mi hna cu Myanma tangta Ting Thongli 4000 renglo  kan cawih hna lai tiah an thanh. Cun an chim chapmi cu,

Mandalay ramthen  Lothlo mi hna cu khuacaan he ai tlak in an cinthlak khawh nakhnga phaisa a cawih in kan cawih hna lai i, Facang le a dang thlairawl han caah Ting thonghnih 2000 cun Nihoipar cinnak ding caah  Ting thonghnih 2241 renglo kan cawih hna lai. A dihlak kyats ting 4241 hi cawih dingin kan timhtuah tiah  a chim. Lothlo mi hna nih khuasik thlairawl ca ding ah

a ra lai mi October thla canceo ahkhin hung i cawi a ngah lai i, facang ekah khat ah tingkhat le thongsawmnga 150000 le a dang thlai cin awk caah ekah pakhat ah 100000 tingkhat tluk hi kan chuahpiak hna lai i, kan cawih hna lai tiah a chim. Myanmaplatform.

Vawlei cung ah minung tthanchonak a donkhan cem tu cu zei a si? ”

Minung kan tthanchonak ding a kan dokhan cem tu cu Negative attitude (chiat lei / thazang der lei ruahnak) a si .Hi ruahnak hi a bik in Lai mi nih kan ngei khun ti u sih law kan palh lem lai lo dah.

A mawh cu kan mawh loh cu teh..Aruang cu kan nih Laimi hi zei thil paoh ah tangdor lungthin kan ngeih ca ah maw a si hnga ? Thil ttha le thil lianngan paoh ah mi min bunh in, thil chia paoh ah mah min bunh kan rak hmang. Mah zong ah Negative attitude ( ruahnak chia) an si ko.

Lam kau deuh hmuh paoh ah Vailam, Vawlei cawhnak a lian deuh paoh Vai tuhmui.

Sipuaizi ( business) tuah kan van i timh le mihring chim lo u le nau hmanh nih, tha pek lo in , lungzornak maw, cu an chim lo hmanh ah, ttha tein ruat mu, na sung sual lai ti in.. negative lawng te an van chim tik ah , kan i chuahkeh pimi lung in kanmah le kanmah zong nih “ sung tak ning law “ ti in kan van ruat tthan.

Sipuaizi si seh ca cawnnak siseh, inn cawknak ah siseh, thil pakhat khat paoh cu kan rit ( risk) a hau ti hi kan hngalh a hau.

Tuzing ah Lainu pakhat nih U.S ram i Ar zuart a chiatnaknak a chimmi social media ah ka hmuh le ka lung a nuam lo ngai. Nan rak hmuh cio ko lai tiah ka zumh. Amah pumpak nih a ton mi a si caah , a mah kha a palh ka ti bak loh.( ngamh loh.) Si na in mah kha a tu kan chimmi Negative Attitude ti mi cu a si. Vawlei cung ah kan tuahmi paoh khuaawng tong hna u sih law , cu kan tuahmi a kan caw tu an um tung lai lo. Sifak kan um tung lai lo. Minung zakhat nih thil pakhat cung ah an zakhat ning in chawlehnak tuah tti hna seh law an zakhat ning in hlawh an tling lai tiah ho minung nih dah kan chim khawh ? .

Kum 1999-2003 ( hinak kum tuan zong a si kho)hrawng ah U Mawng Hlah timi ramkhel kong in thong a tla. Bia an hal. Zeitik ah dah Kawlram uknak ai thlen lai tiah dah na zumh ti in. A rak lehmi hna cu.. Tisa na so le din na duh lai ah na hrai chung ah na tlen. Na tlen hnu ah a daih na hngah. Cu na hngah caan cu minute 4-5 zong a si ko. Rampi pakhat ai thlennak ding hi tisa bantuk in minutes ( kum in tahchunh) 4-5 lawng maw a rau lai tiah nan ruah ? Tiah a rak leh hna.

Laimi nih U.S ram ah chawhleh ( business) pi kan tuah hi kan kut caang rel khim lawng a si rih ti u sih law kan palh lai loh.Atu tikhur cawh i, a tu zei tin hme ti fim cu kan din colh khawh hnga ? Ti fim caan kan hngah a hau.

Kawlram ca cawnnak tangthum / tangli cauk ah..Tarpa nih thingkung ( Hai kung)a Cin lio kha , Siangpahrang pa nih a hmuh .. ziah atu ah na cin, na thi deng cang ko, ei zong na ei manh ti tung lai loh.. tiah a ti. Tarpa nih.. a si , ka ei manh ti lai loh.. ka Cin hi ka caah a si loh, hmai lei ka fa le te caah a si tiah a leh. Mah kha mirang nih investment timi cu a si.

Timhmi

Mipi nih zei thil kan tuahnak paoh ah negative attitude ngei lo in positive attitude tu hi i tlaih hna u sih. Tha i pe hna u sih, kan pa, kan u le te zong nih mino thil an i timh mi cung ah tha Pe hna u sih. Timhmi cung ah tlenglak in kal hna u sih.

( A luancia kum 9 hrong ah Rev.Dr Hai Vung Lian nih US Thau Mipi le a bik in Mino he biaruahnak ah a rak chim mi a si ) .

Crd : Rev.Dr.Hai Vung Lian FB