Mindat mipi uknak bu nih offical cazin a chuahmi ah a thimi 6 an si
Mindat mipi uknak bu nih offical cazin a chuahmi ah a thimi 6 an si. Pasarih tiah kan ttialmi kha paruk tiah kan remh tthan
CDF-Mindat le SAC Ralhrang Kahdohnak ah CDF-Mindat lei in Mino 6 nih Nunnak an Pek
May 12 in 15 tiang a cangmi CDF-Mindat le SAC ralhrang karlak kahdohnak ah CDF-Mindat lei in mino 6 nih nunnak an pek, tiah theih a si.
A nunnak a liammi hna cu:
(1) Salai Thang Ghung Thang
(2) Salai Mang Kee Thang
(3) Salai Ghung Om Ghung
(4) Salai Kee Tam
(5) Salai Thang Phep
(6) Salai Ha Khui Shing hna hi an si.
SAC ralhrang lei in motor 7 a kaang i, a thimi le atu tiang hmuh khawh loin a tlaumi ralhrang pawl an um hna, tiah SAC thawngzamhnak Kyemon nih nihin ah a langhter.
Ralhrang hna nih Kyaukhtu khua lei in Mindat lei cu an kan kah cuahmah ruangah mindat mipi rungveng tu phun chungin pakhat athi I minung 4 hliam hma an tuar tiah CDF Mindat chung in Pakhat nih a chim.
Ralhrang hna he kahdaih nak biatiam kan hrawh hnu in Mindat Khuachung ah Kahdoh nak achuak than I ralhrang hna nih hriamnam ngam in a tu le tu ti awk in an rak kah.
Tu zing may 13 ah khan kahnak hi achuak I Kyaukhtu vanlawng bual lei in ralhrang hna nih hin hriamngan in an rak kah, asi nain kan nih zong nih kan nunnak thap in Mindat khuapi kan kilven caah Khuapi chung ah cun an kap lo I kan mah CDF kan um nak tu ah hin minutes 3 dan in an rak kah tiah CDF Mindat I pakhat nih cun achim.
A tu I athi mi pakhat le hliam atuar tu hna zong hi hriam ngan in an rak kah mi nih ahliam hna mi an si tiah CDF Mindat I pakaht nih cun achim chap. Cun Kyaukhtu myo lei ahhin ralhrang hna motor 3 an rak phan chap I Mindat khuapi chung lei ah motor 2 zong aphan ve tiah theih asi.
Hramhram uk nak laktimh tu ralhrang hna doh in duhlonak alanghter mi hna tlaih mi minung 5 hna cu thlah ding in mipi lei nih kan nawl hna I an thlah hna lo caah May 12 chunhnu in Mindat mipi le ralhrang karlak kah daih nak bia cu hrawh asi
I May 12 zanlei in kahdoh nak achuah than hi asi. Ni zan ah khan Mindat khauchung hmun 4 ah in Ralhrang le mipi veng tu hna kah nak achuak. Source Khonumthung News Burmese
credit:Chin Journal