PDF Le Ralhrang Kut In Luat Khawhnak: Kalaymyo Le Khuadang Ah Khual A Tlawng Ding Laimi Hna Nih Theih Hrimhrim A Herh

September 29,2022: Tulio kan ram cu a buai tuk caah  Khualtlawng ding pawl nih zulh hrimhrim ding le ramrin a herhmi kan theih hnihchun mi kan vun in thanh hna.  A bik in Laimi tamnak Kalaymyo in hmun dangdang ah a kal dingmi hna caah a si lai. Pakhatnak: Hmatpungtin nan mui le  nan min fiang tein a langmi le a ca rel khawhmo nan i ken lai, cun

nan hmatpungtin nithla a luanmi a si i, nan mui a fiang lomi a si fawn ahcun Tangka Kyats 30000 an in cawi liamter lai.  Pahnihnak: Covid zawtnak nan check cangnak catlap nai ken a hau. Nai ken lo ahcun Thongnga 5000 an in cawi liam ter lai. Cun A pathumnak ah, Achuzii Soft Drink le Veve dur tibantuk cun kuak bawm tibantuk nan i ken lai lo. Cun A palinak ah

PDF Mipi ralkap nih an huat taktakmi Mytel simcard nan hmang lai lo. an hmuh bak ahcun tangka 30000 thongsawmthum an in cawi liam ter pin ah tthut dir voi 50 an in tuahter lai. Apanganak ah India ram in thilri le india chuak thil pohpoh nan i ken lai lo. Atu kan chimmi pawl hi

khuak na tlawn ding a si ahcun zul hrimhrim mu. a poi lo, a poi lo, na ti ahcun na chir hrimhrim lai. na hawikom le na riantuantti hawi chim chin hna mu.

Kanpetlet nih SAC kuttang riantuantu hna cu ralrin an pek hna!!

2021 February 1, SAC nih hramhram uknak an lak ni thokin, Kanpetlet peng chung mipi hna nih SAC uknak cu kan cohlan khawh lo caah, belkheng tum in siseh, lamzawh in siseh, cozah riantuantu hna nih an rian kaltaakin CDM an tuahnak in siseh, mipi hna nih a phunphun in duhlonak kan langhter.

Cu duhlonak langhter in lam a zawhtu mipi hna cu hriamnam hmangin a kan thenthek dih caah, CDF-Kanpetlet nih hriam kan i tlaih i, SAC cu kan doh hna.

SAC nih hin an uknak a hmunh khawhnak ding caah, ramkhel, ukhruainak le thanchonak timi tlangtar bunh in Kanpetlet khuachung ah riantuan le cawlcangh an i zuam caah inn hra uk, inn za uk tiin khuabawi minung 19, meilei in minung 7, Red cross in 7, a dang minung 13 hna cu an riantuan dingin tuanvo an in pek hna pinah a herh ah cun hriamtlai ding tiang in tuanvo an in pek hna cu kan theih i, cu SAC rian a tuanmi minung zong fiang tein kan in theih cang hna.

Cu caah, CDF-Kanpetlet nih mipi caah nunnak a petu ralkap, tlaihkhih le thah a tongmi kan mipi hna caah, cu SAC he riantuantu nan dihlak a ra laimi October 15 tiang kan in hngah hna lai i cu chung ii CDM tuah duh loin pehtlaiin SAC kuttang riantuantu poh cu kan in hmuh hna nak poh ah a herh ningin hma kan in lak hna lai CDF-Kanpetlet nih nihin September 29 ah cathanh an chuah.