PDF Zoland – Tedim Nih Drone Cawknak Ah Fund An Kawl I, $Dollars Tam taktak An Hmuhmi An Van Langhter

ZFU-PDF Zoland nih Drone Production timi min bunh in nizan October 2 ahkhan Online Fundraning an tuah i, phaisa an hmuh zat cu a tam kho taktak. Cu an hmuh zat cu US dollars in

$44,100.00 a si tiah an langhter. PDF Zoland hi Tedim peng le Tonzang peng ah a cawlcaangmi an si i, Kawl ralhrang voi tampi a kap cangmi an si tiah theih a si. Aluancia kum ahkhan ZRA nih PDF Zoland sakhaan cu a rak hrawh piak bal hna i, ZRA he i hmuhthiam lonak tlawmpal an nei bal. Atutan Fund an kawlnak ahhin

Hlasakthiam, Thawn Kham le Guys From Chin le Dr. sasa le Pau Dohtlennak ah Kawl lei milangsaar hna nih an telpi hna tiah theih a si. PDF Zoland hi Drone lei hman a thiam ngaimi an si i, a luancia thla ahkhan Falam peng Rihkhuadar ralhrang camp cu Drone in bom an rak thlak i, Ralhrang minung 4 an rak thi tiah theih a si.

 

India, Mizoram ramkulh ah Rupee’s sing 100 hrawng man bingrang an tlaih than!!

India, Mizoram ramkulh ah, rithaisi dohnak biatak tein an kalpi cuahmah ko nain nichiar ti awkin palik nih hmunkip ah rithaisi cu an tlaih i, October 1 zong ah, Rupee’s sing 100 renglo man bingrang an tlaih than tiah theih a si.

Mizoram, Aizawl khua hmun pakhat ah, Manipur khuami pakhat le Myanmar mi pakhat sinin 148.36 gram a ritmi bingrang, rupee’s sing 124 man kan tlaih tiah Mizoram palik nih an thanh.

Cu bingrang he an tlaihmi pahnih hna cu Manipur, Newlandka khua ah a ummi, Thang Za Mun le Chin ramkulh, Tonzang peng, Dar Khaine khua ah a ummi Lian Lam Khu hna an si. Cu hna pahnih cu, Mizoram palik nih a herh ningin hma an lak hna lai tiah theih a si.

Credit:Khonumthung

 

CNF President Pu Zing Cung Bia Roling Hna 1.Chin miphun nih kan dohmi ral hi Kawl miphun ruahnak a si. Kawl miphun a si lomi(Chin, Shan, kachin etc..) hna kha Kawl miphun ah canter duhnak an ngeihmi ruahnak le Ralkap uknak hi Chin miphun nih kan dohmi ral a si.

2.Chin miphun cu zeitik hmanh ah Kawl miphun kan si lo i, Chinram ah Chin miphun lawng nih dah nawl a ngeih ko lo ahcun aho miphun hmanh nih nawl an ngeih ding a si lo.

3.Chin miphun kan thazaang hi khoika hmanh ah a um lo, UN zongah a um lo, US(America) zongah a um lo, khuazei ram hmanh ah a um lo. Kanmah Chinmi kut cung lawng ah a um. Kan Chin miphun nih luatnak kan duh, zalonnak kan duh a si ahcun “kan ram kan kut cung phakter” kha kan luat ni a si ko.

4.Chin miphun cu: Holh le ca, nunphung tlamtling tein a ngeimi miphun kan si. Vawleicung ah miphun phunkhat kan si tihi fiang tein a lang. Cucaah cun Miphun phunkhat a simi hna nih kan miphun sinak kha t’ha tein kan i ken i, kan miphun sinak kha kan nunter i, kan miphun sinak kha kan i zahpi lo i, hmai ah kan nawrpi ding kha a biapi tuk. Cu miphun sinak nihcun zeidah a langhter tiah cun, Kha miphun kha hmailei ah zeipaoh kanmah tein khuakhan lairelnak le uknak nawl kan ngei lai timi zong kha fiang tein a langhter chih.

5.Chin miphun nih ral kan dohmi hi kan miphun le kan ram a lohtlau lo nakhnga le kan ram ah kan miphun nih duhdim tein khuasak tintuknak kan ngeih khawh i, kan Pathian zalong tein kan biak khawh nakhnga caah a si.

6.Panglong hnatlaknak bantukin kan Ram kan dirh i, kan Miphun nih cu ram ah nawl kan ngeih tikah ramchung ral a dih lai i, daihnak le t’hanchonak a ummi Ram kan dirh khawh lai. Cu bantuk Ram dirh dingah Kawl miphun le ralkap nih an kan kham peng a si ahcun “Kanmah tein nawl kan ngeih khawhnak Ram kan dirh a herh”.

7.Miphun dawtnak cu Nuhrin nakin i chuahpi mi a si lo. A cawn in cawn a haumi a si. Nihin Chin Miphun hna zong nih Miphun dawtnak hi kan cawn hrimhrim a hau.

Ch:

– Tikhing Cakuat

– Bongva Mekazin.

– Youtube.