Pengdang le tlang dang nih CNA ah an i fonh khoh rih lo hmanh ah CDF Hakha, CDF Thantlang, CDF Zophei, CDF Mara,  CDF, Zotung, CDF Lautu, CDF Senthang hna hi cu

Kei ka duh bik mi cu CNF/A hi lenglei bawmtu a si lo ah, tengnge a ngei mi si loin. Fully Centralize sisehlaw hmailei ah a tha bik tiah ka hmuh. Pengkip nih Hriamtlaiphu kan ngei cio i CJDC Chungtel khi 18-30 kar an si nak cun. CNA nih Hriamtlaiphu War Office le Command Centre nih a herhnak paoh ah a fial khoh mi Ralkap 3000 a ngeih hi a biapi deuh lawng hmanh silo in a him… AA a tthawng kan tit awn, AA a tthawng kan ti tikah hriamtlaiphu fonh tampi a ngeih caah a si lo, Ralkap tampi a ngeih caah a si. KIA a thawng kan ti tikah Kachin Hriamtlai Buu tampi he an ttan tti caah a si lo, KIA Ralkap hrimhrim an tampi caah a si. SAC Ralkap a tthawng kan timi hi SAC he a ttangtti mi Hriamtlai tampi an um caah a si lo. Min Aung Hlaing nih a control mi le a herhnak ah a fial khoh mi Ralkap an tampi caah a si.

Pengtlang Hriamtlai Buu an tam ah hin Chin Ralkap an tthawng a si lo, Hriamtlai an tam ti men men lawng a si. Cu as I caah mipi hna zong nih Chin Hriamtlai lakah hin zei cem hi dah hmailei kan ram caah a tha lai, Ramchung ral le Ramleng ral lakah ho nih dah a kan kilven khoh lai. Hriamtlai buu pakhat le pakhat kar buainak a chuah tikah Ho nih dah a thelh khoh in a daihter khoh hna lai, timi hi tha tein kan zoh a hau ngai ngai.

SAC Cozah thlak a si tik le tei a si tikah hin Pengtlang Hriamtlai caah Central Govt ser khoh a si lo, Local Area a si lo ah Regional lawng ah nawl an ngei kho in an duh te lai. Local Govt lawng an sit e hna lai. A sinain CNA a tthawn ah cun Chin State Govt a ser khoh lai. Zuamcawhtu um lo in Uknak a lak khoh lai. Cu si ding cun C N A ralkap hi kan karhter le kan tthawnter a herh. Ralkap 3000 tal a ngei mi kan si ter a herh ngai ngai. Pengkip le Tlang kipah Battalion Headquarter le Camp a ngei kho mi Ralkap Buu a si a herh. Cu a si lo ah cun Tedim khi ZRA kutah a um lai, Paletwa khi Arakan Army kutah a um lai. Cun Kabaw -Kalay-Gangaw khi Myanmar kutah a um lan te lai.

Chin ram bitter le cheu a duh lo mi nih cun, Hriamtlai Buu tampi um mi hi kan lungfim zawkin CNA fonh khohnak lam a kawl hrimhrim ding a si. Mah peng lawng a ruat mi khuaruahnak nih cun a si kho lai lo, Nain Chin ram le Chin Miphun huap in khua a ruat mi caah cun tuah hrimhrim awk a si. Pengdang le tlang dang nih CNA ah an i fonh khoh rih lo hmanh ah CDF Hakha, CDF Thantlang, CDF Zophei, CDF Mara,  CDF, Zotung, CDF Lautu, CDF Senthang hna hi cu an Buu cio hi chiatha cangin CNA ah an i fonh viar hi a biapi tuk cang, cun Pengtlang dang nih an hnu an von zulh ve te hna lai. CDF Tonzang zong an ralkap tampi CNA ah an i fonh ti ka theih ah ruahchannak tampi ka ngei ko. Catialtu Salai C. Van Din

CNF/CNA Spokesperson Salai Htet Ni nih SAC Ralhrang hna cu mahtihin sawmnak a tuah hna. A chimmi cu Ralkap timi cu mipi in dirh mi nan si I, Mipi nan dawt taktak a si ahcun Ralhrang kuttang ah riantuan lengmang ti loin Mipi sin ttangtti dingah

kan in sawm hna. Kan sin ah nan rat ahcun lunglawm tein kan in don hna lai tiah a chim. December 24 ahkhan Thantlang khuachung ah a ummi Ralhrang pahnih cu meithal he an zaam I, CNA sin ah meithal zun hnih he an rak lut. Chinram hmunkip ah december thla chung ah Ralhrang hna hi Mipi ralkap sin ah ap mi an um len I, a cheu cu meithal he a si I, a cheu cu kutlawng he an I ap.  A zaam mi lak ahhin

Meithal a vun I kenchih lomi cu LAKSAWNG PEK AN SI LO NAIN, a hung zaammi le mipi sin ai apmi poh cu anmah duhning bantukin an um duhnak ah kuat le chiah an si.Cucaah acunglei i kan langhter bantuk in Mipiralkap sin ah Kawl ralkap hna ttanttii dingin kan in sawm ve hna. Crd: Chin Connection.