Rak Chim Cio Hna Uh: Hakha Khuachung Hmun 4 Ah Ralhrang Nih Mi An Check Hih

Tuchun September 28 zingka thawk in atutiang Hakha khuachung hmun 4 ah Ralhrang nih mi an chek cuahmah tiah theih a si, An checknak hmun pawl hna cu BOC kam ahkhan ralhrang cheukhat an um an chek hna. cun Cherry lam pial zawn Kyaw ahkhan ralhrang le PALIK nih mi an chek fawn, Cu Lawng si loin

Chin Oo Sii lei zong ah mi an chek than, Cun Hakhathar Nahautlang le Hniarlawn lam lei ah an um fawn tiah theih a si. An chekmi hna cu Saikel toolbox an on ter hna. An phone an chek fawn hna. An phone chung ah Kawl hla le Lai hla in sakmi ram hla a um ahcun tlaih a si tiah theih a si. cucaah ahcun ralring tein um hna usih. Chuahvah le lenvah i sum rih ushlaw, Ralhrang umnak le mi an cheknak hmun poh hrial hna usih tiah an thanh.

September 28: Chin ramkulh Falam khua Siizungpi ah Siibawi haotu a tuan cuahmah mi Dr. Tluang Cung Thang cu a ruak in tuzing ah an inn ah an hmuh tiah theih a si. Amah hi a chuahkehnak le a khua cu Hakha peng Lamtuk khuami a si i, A ruang zong Hakha ah an tlun lio tiah kan theih. A thih ning cu mahtihin an van chim

Tuzing sumilam 8 hrawng ah Dr. Tluang Cung Thang cu an inn ah hri in aa awk caah a ruak kan hmuh tiah an chim. nain min langhter a duh lomi pakhat nih Ralhrang nih hramhram in riantuan an hneek caah atu bantukin a lungrethei tuk caah hri in aa awk hi a si lai tiah a chim. A ruang cu mifim le khua tuak thiam pakhat amah Ralhrang nih an tuaitam lo cun a ruang um lo ah hri in aa awk men lai lo tiah a chim.

Minung pakhat nih, Siibawi pa hi mi lungput ttha a si. Amah hi zoh hrim ah a panhzai peng. Zeiti lungretheihnak le harsatnak an pek ruang ah dah atu bantuk in a can hnga ti cu ka thei kho lo e. Atu bantuk thil a can cu kan lung a nuam cio lo e, mizaw a daw tuk mi a si e” a chim ve.

Amah Siibawi Dr. Tluang Cung Thang hi Falam Covid rai a tam lio zong ah biatak tein covid mizaw a thlawptu asi. Rian faakpi a tuan i aa zuammi a si. A mah hi zohchunh tlakmi Siibawi a si. A nunnak dawtnak a ngei tiah an chim. A ruak hi tu zanlei ah Hakha lei a nu le pa sin ah tlunpi si lai i, an vui lai tiah an chim. Atu bantuk in Ralhrang nih tuahto ruang ah Chinmi kan mifimthiam zeizat ko dah an liam cang. Lung a faak ko mu. Crd: Popular Journal.