Ralhrang Doh Dingin aa Pumpe Mi Pawl Hi Uar an Um Tuk Ee

Ralhrang doh dingin Ramtang bak ah capo saih thiam pawl hmuh an si.  Kawlram capo saih thiam minthang pakhat ‘H5’ group hna cu Ralhrang hna doh dingin ram tang an phan ve cang.

Ha 5 pawl cu pakaht ah kan dir, Mipi caah thawnnak he tiah pakhat cio nih an chim. Tutan ah Kawlram minta mintami lawng siloin Kawlram hlasakthiam siseh capo saih thiam pawl tiang nih Ralhrang uknak hi an doh cang. Ralhrang uknak hi thlak a si hrimhrim khawh nak hnga Ramdang bak ah an lut.

Uar an um law law. Ha 5 capo saih thiam group hna hi Kawlram capo saih minthang pakhat an si. An member pawl hi Toe Kyaw, Poe Lay, Wine Kyaw, Pyin Kyaw te pawl an si.

Relchap:Min Aung Hlaing Ralhrang Ralkap 8 An Thi, 11 Hliamhma An Pu: Kani Kahdohnak Ah Ralhrang Ralkap 8 An Thi, Minung 11 Hliamhma An Pu

Sagaing ramthen, Kani pengkulh chungah June 9, 2021 ni ah 35 Meng le 36 Meng karlak ah ralhrang tapung pawl le Kani peng chung People Defense Force karlak ah kahdohnak fakpi in a chuah i, ralhrang ralkap 8 an thi i, minung 11 hliamhma an pu, tiah thawngpang tha tuk theih a si.Hi kong he pehtlai in ralhrang ralkap lei 8 an thi i, minung 11 hliamhma an pu nain Kani People Defense Force (PDF) hriamtlai phu lei a thi mi le hliamhma an pu mi um le um lo, thawng fiang an kherhlai cuahmah lio a si, tiah thawngtheih a si. A hnu bik thawngpang theih ning ahcun ralhrang ralkap 8 an thi i, 11 hliamhma an pu, tiah thawngtheih a si.Hi kahdohnak pawngkam hrawng ah hin Yahkyi khuate khuami minung 3 cu zei sualnak hmanh a ngei lomi cu an tlaih hna an hrem hna i, an tukvelh hna, tiah thawngtheih a si. Yahkyi khuate i an tlaihmi hna minung 3 nih khua dang zongah meithal an puah hnawh hna. Khua chung dihlak kan khangh dih lai, tiin thihphaihnak an tuah hna, tiah Kani pengkulh chung khuami pakhat nih a chim.Kani pengkulh chungah zei sualnak hmanh a ngei lomi le dai tein a ummi pawl cu ralhrang pawl nih an tlaih hna, an tukvelh hna i an thah mi hna zong an um cang, tiah thawngtheih a si. Cu hlei ah Kani pengkulh a cang mi kahdohnak ah ralhrang tapung lei a thi mi le hliamhma an pu mi an tam tuk, tiah thawngtheih a si. Source: Cherry Par.