Ralhrang doh pah in Lai nu le Pa nih Pre Wedding Photo Shoot an tuahmi cu zoh a nuam law law

A sunglawi ngai ngai. Ramlak bak ah miphun caah riantuan buin Lai nu le laipa Pre Wedding photoshoot  an tuah. Pre-Wedding Photo Shoot hi thitum hlan i hmanthlak nak tuahnaki a si. Tutan i aa thium dingmi  hi CNDF Force Chief bawi si dawh a si. Hmanthlak zong aa dawh ngai ngai i uar an um kho tak tak.

Hi ti hin langhter a si: CNDF Force Chief – 2 In A Hnak Ruh A Tong Zo. Kan Lung Awi Pi Zet. Pathian thlasuah co mi insang si ding in thlazaa kan cam.Photo by Cung Ngai.

CNA/CNF Upa Thantlang Peng An Tlawng: CNF/CNA in ṭuanvongeitu upa cheukhat hna cu Thantlang peng an tlawng i rianngeitu cheukhat hna he ton biaruahnak an ngei kho hna, tiah theih a si. CNF/CNA upa hna Thantlang peng an va tlawn ah hin a biapi bik in tlangkip in CDF hruaitu hna le Khua-upa le Zatlang ukhruainak rianngeitu hna he biaruahnak an ngei kho, tiah theih a si.Tlangkip an tlawnnak ah mah tein sianginn ai on mi khua hna ah rianṭuantu CDM cachim hna le volunteer hna sin ah thazaang peknak le forhfialnak bia an va chimh hna.Thantlang peng khuapi bik Thantlang cu khua mi nih an chuahtak hnu in SAC ralkap le Chin ralkap lawng an um cang i khuachung inn 1100 leng SAC ralkap nih an khangh cang nain Thantlang peng khuate dihlak ah cun Chin National Flag hmai ah ‘A hme ram laitlang’ ti mi hla an sa i Mizapi ukhruainak tang ah an um cang, tiah theih a si. Source: The Chin Post.