Ralhrang Meeting an Tuah Lio ah PDF-Shan nih an Luh Hnawh Hna

SAC Ralhrang Meeting an Tuah Lio ah PDF-Shan nih an Luh Hnawh Hna: Nizaan (August 15) zinglei sml. 7:00 hrawng ah Shan ramkulh, Namsan khua ah meeting a tuahmi SAC ralhrang pawl cu PDF-Southern Shan State Generation (SSS-G) nih an luh hnawh hna i Captain pakhat telh in ralhrang 10 hrawng an thah hna.

“Thil sining zapi fiang in chim awk a ttha rih lo. Asinain, hmanthlak pawl hi cu anmah SAC lei nih an thlak i kan sin ah a phanmi a si. SAC ralkap bawmtu an auh hna caah khulrang in kan kir hna,” tiah SSS-G nih thawngthanhnak ah an langhter. SSS-G nih meeting a tuahmi SAC ralhrang pawl an luh hnawh hna lio ah kap hnih kahdohnak a chuak i SSS-G lei in minung pakhat hliam (fak lo) a pu ve. Source: The Chin Journal, August 16, Yangon, (SSS-G)