Ralhrang pawl Cawlcangh Ning Kong ah Falam Bukip Fonh Pastor nih an lungtlinlonak an Langhter

Falam peng Taal khua biakinn chungah ralhrang rallokap pawl cawlcangh ning le Khrihfa Baibal,Hla cauk ningcang lo in an lehthal mi cungah Falam Bukip Fonh Pastor nih an lung a si lonak cathanh an chuah. Source: The Chin Post. A tanglei ah kawl ca in fiang tein an lungtlinlonak an langhter. 

Relchap: Thantlang Facang Phor Motor Pawl Hakha ah SAC nih an Hren Hna

Thantlang Facang Phor Motor 10 Hrawng Hakha ah SAC nih an Hren Hna: Mandalay le Kalay lei in Thantlang ah a lan dingmi motor pawl Hakha SAC nih Thantlang ah lan kho loin an hren hna, tiah thawng kan theih. “Motor a hrenmi hna hi pakua pahrapi an si.

Mandalay lei in a rami motor 2 le Kalay lei in a rak kaimi pawl an si hna. Acheu cu ni 5,6 an hren cangmi hna an um i, acheu hi ni 10 hrawng an hrenmi hna zong an um,” tiah Thantlang upa pakhat nih The Chin Journal a chim.Hakha SAC nih an hrenmi Thantlang lei motor pawl hi facang le eidin dangdang a phormi an si hna. “Facang a phormi le eidin dangdang (စားကုန်) pawl a phormi an si hna. Datsi cu tlaih lengmang a si caah an phor ti lo,” tiah a cunglei upa nih a chim chap. Thantlang ah facang le a dangdang thilri phorh ding in penguk nawl onhnak hal a si bang in Hakha i SAC ralbawi (ဒုတိုင်းမှုး) zong phone in an chawnh ko nain nihin tiang lanhter loin an hreh rih hna.

“Nihin kha Thantlang lei ah nan lan kho cang an ti hna. Asinain, Khuathar Gate an phak ah kir dih tthan u an ti hna,” tiah a chim chap. Thantlang ah motor a luh lonak ni 15 hrawng a si cang. Thantlang hrimhrim ah SAC nih motor luhter lo an duh ruang ah a si kho tiah an ruahdamh.Asinain, Hakha i an hrenmi motor pawl hi atu zaanlei zong ah an thlah khawh men hna, tiah a cunglei upa nih a langhter. Source: The Chin Journal,August 19, Thantlang