Ralhrang phu hna nih mipi ralkap phu minung 33 le hriamnam tampi an tlaih hna, I ralring cio hna usih

Ralhrang phu hna nih mipi ralkap phu minung 33 bak an tlaih hna, I ralring cio hna usih

Mandalay ah Nawngyu le MPDF mipi ralkap minung 33 kan tlaih hna tiah ralhrang phu hna nih cathanh an chuah

Mandalay khauchung ah MPDF le Mandalay Nawngyu (နောင်ရိုး) mipi ralkap phu chungtel minung 33 hna cu puahkehnak thilri le hriamthil hna he kan tlaih hna tiah December 1 ah ralhrang phu nih cathanh an chuah.November 3 ah Amarahpoerah (အမရပူရ) peng Kyautsing(ကျောက်စိမ်း) kawl biaknak hmunpawng ah Tu Rah Awng cu an tlaih hnu ah Chainmyatarsi(ချမ်းမြသာစည်) peng no.49/109 lamkar ah Awng Phyu Tu cu tlaih a si than cun, pakhat hnu pakhat checkhlat in phuan a si caah MPDF le Mandalay Nawngyu (နောင်ရိုး) ralkap phu chungtel minung 33 cu tlaih an si tiah ralhrang kuttang um Myawady thawngzamhnak nih a langhter.

November 3 in December 1 tiang chungah Mandalay khuachung um MPDF le Mandalay Nawngyu (နောင်ရိုး) mipi vengtu ralkap phu chung in pa 28 le nu 5 an dihlak ah minung 33 cu hriamtling 22, kutser meithal 1, kuanbawm phuntling 22, kuan phuntling 2026, 40mm bombkuan 15, kutcheh bomb 21, kutser bomb 5 le puahkehnak he a pehtlaimi thilri hna he tlaih an si tiah an cathanh chungah cun an langhter.

Source: The Chin Post