Ralkap Le RCSS Cu Nihin May 20 Ah An I Tong

Min Aung Hlaing nih remdaih tonbiaruahnak a sawmmi hna ah a kai vemi RCSS cu nihin May 20 ah SAC he tonnak an ngei lai, tiah May 19 ah tuahmi thawngpang fianternak tuah lioah Zaw Min Htun nih a chim.“Min Aung Hlaing nih a sawmmi hna chung ah hriamtlai bu 10 cu an kai. Bu 10 chung ah Min Aung Hlaing nih bu khat hnu bu khat in a ton hna lai, May thla dongh ah khin bu 5 hrawng he an i tong la,” tiah Zaw Min Htun nih a chim.Remdaih tonbiaruahnak a kaimi bu 10 chung ah bu 3 lawng hi an hruaitu Chairman an kai kho i, a dang bu 7 cu Vice-Chairman le Secretary lawng an kai, tiah theih a si.Tonbiaruah sawmnak ah NCA ah min thumi a kai hnga ding hi KNU/KNLA/PC, PNLO, ALP၊ RCSS၊ DKBA၊ NMSP, LDU le NCA ah min thu lomi UWSA, NDAA le SSPP hna an kai lai, tiah theih a si. Source: The Chin Post

 Kani Le Yesagyo Peng Ah SAC Ralkap Nih Khuate Cheukhat An Khangh Caah Inn 360 Leng A Ciam

Sagaing ramṭhen, Kani peng Natkyi(နတ်ကြီး), Wyatha Wya(ရွာသာရွာ) le Watchaung khua hna ah SAC ralkap cu May 19 ah an lut i, inn 200 leng a khangh, tiah tualchung mi hna nih an chim.

SAC ralkap pawl cu May 19 zing ah Watkyi khua an khangh i, Wyatha Wya le Watchaung khua hna cu chun hnu sml 1:30 hrawng ah an khangh, tiah theih a si.“SAC ralkap pawl nih May 19 ah an khangh. Natkyi khua cu a voi hnihnak mei in an khangh, Wyatha Wya le Watchaung khua zong an khangh. Chindwin tiva thluan cu venhimnak kan tuah tiah an ti i, khua khat hnu khua khat mei in an khangh. Tualchung mi cu a thimi le aa hliammi kan um lo, SAC ralkap pawl an rak phanh hlan ah kan zam dih,” tiah tualchung mi pakhat nih a chim.

Yesagyo peng Yelay Hkyun(ရေလယ်ကျွန်း) ah May 7 in 18 tiang, khuate 17 chung ah mizapi inn 163 cu SAC ralkap nih an khangh, tiah Yelay Hkyun PDF sin in theih a si.Shwehlan khua telh in khuate 17 cu SAC ralkap nih an khangh caah inn 163 a ciam, tiah Yelay Hkyun PDF nih cathanh an chuah. Source: The Chin Post.